Cov tub ntxhais hluas hnub nyob Is Ntos Nes Xias teb, cov tub ntxhais hluas yuav sawv ua tim khawv txog lawv tej qhov txhab rau lub ntiaj teb paub

Cov thawj coj ntawm cov tub ntxhais hluas hauv lub rooj sab laj cov Tswv Qhia Is Ntos Nes Xias tau npaj cov kab ke tub ntxhais hluas hnub zaum tim 3 (IYD), ua nyob hauv lub Cheeb Koom Txoos Palembang, hauv lub xeev Sumatra nyob Is Ntos Nes Xias teb. Cov kab ke yog ua txij hnub tim 26 txog hnub tim 30 lub 6 hli tag los.

Raws li tus tswv cuab cov lus hais : cov tub ntxhais hluas hnub nyob ntiaj teb lub ntsiab lus yog “Mary Arose and Hastened”, ua kev txhawb dej siab rau cov tub ntxhais hluas Kav Tos Liv neeg Is Ntos Nes Xias (IYD), kom lawv sawv thiab ua tim khawv txog lawv tej kev mob rau lub ntiaj teb.

Cov kav xwm piav tias : kev sau cov tub ntxhais hluas IYD tag nrho muaj 3 pawg, yog ua ntej IYD, IYD uas yuav tshwm sim thiab tom qab IYD.

Ua ntej yuav txog cov tub ntxhais hluas hnub (IYD), txhib kom cov tub ntxhais hluas nyob hauv zej zog thiab hauv lub Cheeb Koom Txoos txawj nco txog lawv lub neej thiab txhib lawv kom paub txog Yes Xus thiab Tswv Ntuj lub txiaj ntsim.

Nyob hauv hnub ua hmoov tsuj xeeb IYD, muaj kev ua ntau yam xws li : kev qhia ntseeg, tuav xam ua ke, sib ntsib tim ntej tim muag ntawm cov kev teev hawm, sib paub tswv yim, sib tham thiab txais cov Cim Ntshiab nrog kev muab tus kheej los ua hauj lwm pub rau Tswv Ntuj.

Tom qab ua hmoov tsuj xeeb tas, muaj lub hom phiaj kom sawv daws sib raws thiab pab tuav xam nrog cov tub ntxhais hluas, kom nrog cov tub ntxhais hluas ua hau jlwm nyob hauv zej zog thiab hauv lub Cheeb Koom Txoos.

ICY yog cov kab ke sib koom ntawm cov tub ntxhais hluas uas tsa nyob hauv txhua txhua 5 xyoos ib zaug nyob Is Ntos Nes Xias teb. Xub pib nyob hauv lub 10 hli xyoo 2012, hauv lub Cheeb Koom Txoos Sanggau. Lub 10 hli xyoo 2016, tsa nyob hauv lub Cheeb Koom Txoos Mas Nas Dos thiab zaum tim 3 yog nyob hauv xyoo 2021, tab sis muab hloov los ua rau xyoo 2023, vim mua kab mob sib kis.

Kev sib sau ntawm cov tub ntxhais hluas nyob hauv Palembang, mas tso cai rau cov tub ntxhais hluas tau kev sib ntsib, sib faib kev ntseeg thiab ua lub zog txhawb siab rau ICY hais txog kev ua lub neej ntawm cov Kav Tos Liv thiab tsoom pej xeem Is Ntos Nes Xias.