COV TUB NTXHAIS HLUAS KAV TOS LIV COG TXIV TXHAIS NYOB HAUV CHEEB KOOM TXOOS COLOMBO

ASIANEWS tshaj tias cov me nyuam tub thiab me nyuam ntxhais 25 leeg tuaj ntawm lub Koom Haum Young Christian Students (YCS) nyob hauv lub tsev teev Ntuj Xas Vias nroog Wewala yuav tau txais lub Cim Cog Lus Ntshiab tsis ntev tom ntej no. Muaj ib tug Txiv Plig nyob hauv lub tsev teev Ntuj ua tus coj lawv. Lawv npaj siab tias yuav cog ib co txiv txhais los ua lub cim qhia txog lawv txoj kev ntseeg thaum lawv tseem yau. Yog ib lub tswv yim zoo heev uas yuav ua kom cov me nyuam txawj saib tej xyoo ntoo muaj nqis ib yam li lawv txoj sia. Kuj yog ib yam zoo uas lawv tau ua raws li Vaj Qhia Fas Ntshis Kus lo lus hais kom pab txuag xyoob ntoo. Kev cog txiv txhais zaum no qhia txog cov hluas lub neej uas yog ua kom txhua yam ntsuab tuaj. Thiab yog ua raws Vaj Qhia lub hom phiaj uas nws sau tseg nyob hauv phau ntawv Laudato Sen.

Dhau ntawm cov yub ntoo lawm, cov me nyuam kawm ntawv tseem tau txais lwm hom yub ntoo coj rov mus cog nyob hauv lawv zej zog thiab. Thaum AsiaNews nug, mas Txiv Plig Manoranjan teb tias : cov me nyuam kawm ntawv tab tom yuav tau txais ib lub cim tseem ceeb los zeem txog lawv tus kheej. Thawj lub hom phiaj yog pab kom cov me nyuam paub thiab pab lawv tus kheej rau yav tom ntej. Vim lawv txawj ua thiab txawj txuag yam uas pub rau lawv. Lub hom phiaj tim 2, vim yog zim txwv no neeg ntiaj teb ntov hav zoov ntau heev, ces kev cog xyoob ntoo yog ib yam tseem ceeb uas tsim nyog ua. Vim xyoob ntoo ua kom huab cua zoo rau tib neeg lub neej txoj sia. Yog tias ib tug tib neeg twg cog 10 tsob ntoo nyob hauv nws sim neej, mas yuav muaj txiaj ntsim qab hau ntau heev rau neeg ntiaj teb.

Qhov kawg no yog lub tswv yim ua kom cov hluas nyem no nyob nrog Technology thiab pom txog qhov tseem ceeb ntawm xyoob ntoo,  ces lawv yuav nquag tshawb fawb. Tej yam no yuav ua kom lawv txawj tsim thiab txawj ua lawv lub neej rau yav tom ntej. Sashmitha Divayanjali, Sandeepa Mandakini, Sanduni Savindya thiab Dinushi Ransirini yog cov tub koom tes ntawm pab me nyuam YCS yuav cog txiv txhais.