Dhaka ua hmoov tsuj xeeb txwm 50 xyoo ntawm cov Txiv Plig OMI

Kev ua hmoov tsuj xeeb cov tub tshaj Ntuj Lus OMI, yog los ntawm tus Tswv Qhia nyob hauv lub tuam ceeb. Muaj cov Txiv Plig thiab cov Leej Phauj 80 leej, thiab cov neeg ntseeg 600 leej sib koom ua thaj txi Ntuj zeem tseeb txog tej lub cim uas raug tso tseg hauv lub teb chaws txij xyoo 1973 los. Xws li kaum tawm lub tsev qhia ntawv uas qhib tos txais txhua leej txhua tus. Hnub no muaj 33 tug Oblates nyob Npees Las Des teb thiab 6 leej uas tab tom ua hauj lwm nyob txawv teb chaws.

Kev ua hmoov tsuj xeeb ib nrab tiam, yog cov hauj lwm tshaj lub Moo Zoo ntawm cov Txiv Plig Oblates nyob Npees Las Des teb. Thiab cov kab ke yog ua nyob hauv lub tsev teev Ntuj hawm Leej Ntshiab Aws Zes, nyob hauv lub tuam ceeb Dhaka. Muaj tus Tswv Qhia nyob Dhaka thiab tus thawj coj cov Oblates, Txiv Plig Costa thiab cov sawv cev tag nrho cov Oblates sib koom ua ke. 

Lub thaj txi Ntuj ua hmoov tsuj xeeb yog ua pov thawj ntawm cov Txiv Plig Oblates, tuaj tshaj lub Moo Zoo txwm 50 xyoo nyob hauv cov teb chaws As Xias Naj.

Bejoy nco txog kev muab siab rau ntawm cov Txiv Plig Oblate tus txhua nyob hauv lub teb chaws thiab cov nyob lwm teb chaws. 

“Yog tias tsis muaj cov Txiv Plig tuaj qhia lub Moo Zoo, kev mus kev 50 xyoo no yuav tsis muaj tshwm sim nyob hauv peb hnub no. Ces peb nco txog lawv tej txiaj ntsig thiab peb hwm lawv, peb qhuas txog cov hauj lwm uas lawv tau ua.” 

Zim txwv no muaj cov Txiv Plig Oblates tshaj 3,500 leej ua hauj lwm nyob hauv 70 lub teb chaws nyob thoob ntiaj teb. Xyoo 1973, cov Txiv Plig OMI pib ua hauj lwm tshaj Ntuj Lus nyob Npees Las Des teb. Txiv Plig Costa uas nws yog tus thawj coj cov Oblates nyob Npees Las Des teb hais tias : “Peb pib ua hauj lwm nyob hauv cov neeg pluag txom nyem.” Tam sim no muaj 33 tug Txiv Plig Oblate nyob Npees Las Des teb thiab muaj 6 leej mus tshaj Ntuj Lus nyob txawv teb chaws. 50 xyoo uas pib tshaj lub Moo Zoo nyob hauv thaj av no, mas feem coob yog cov Mawv Xis Lim. Muaj 2 lub tsev kawm ntawv txheej nrab, 40 lub tsev kawm ntawv txheej qis thiab 2 lub tsev kawm ua tub tshaj Ntuj Lus.