Do Quang Khang raug tsa ua tus lwm thawj tswj nyob Bac Ninh

Quang Khang appointed coadjutor bishop (Asianews photo)

Sunday, November 28, 2021

Vaj Qhia Fas Ntshis Kus tau tsa Txiv Plig Yos Xes Do Quang Khang ua tus lwm thawj tswj nyob hauv lub Cheeb Koom Txoos Bac Ninh. Tam sim no nws ua tus thawj tswj nyob hauv lub tsev kawm ntawv txheej siab Leej Ntshiab Yos Xes nyob Hom Cis Mees nyob Nyab Laj qab teb. Nws yog tus lwm thawj tsw koom nrog Jesuit Cosme Hoang Van Dt 74 xyoos ua tus coj lub Cheeb Koom Txoos.

Tus Tswv Qhia Tshiab yug hnub tim 7 lub 11 hlis xyoo 1965, nyob Tudog hauv Hom Cis Mees. Nws yog tus me nyuam tim 8 ntawm lawv 10 leej me nyuam. Nws tau txais lub Cim Tiag Tes ua Txiv Plig hnub tim 30 lub 6 hlis xyoo 1999, los ntawm Tswv Qhia Zam Ntxuav Plig Pham Minh Mann.

Tom qab nws tau ua Txiv Plig nyob Cho Dui, mas nws mus kawm Ntawv Ntshiab lub ntsiab nyob Toulouse, Fab Kis teb. Ces nws tau txais daim ntawv pov thawj hais txog Ntawv Ntshiab. Xyoo 2010, Txiv Plig Do Quang Khang tau qhia Ntawv Ntshiab ua lus Hes Laas nyob hauv lub tsev kawm Leej Ntshiab Yos Xes nyob Hom Cis Mees, thiab nyob lwm lub tsev teev Ntuj.

Cov neeg ntseeg nyob hauv lub xeev Bac Ninh uas muaj tsoom pej xeem tshaj 9 plhom leej, tab sis cov neeg ntseeg tsuas muaj 140,000 leej xwb. Muab xam mas yog 1 feem pua ntawm tas tsoom pej xeem. Cov Txiv Plig nyob hauv lub Cheeb Koom Txoos muaj 100 leej, thiab 77 lub tuam tsev tseev Ntuj loj thiab 263 lub tsev teev Ntuj me. Tsoom pej xeem feem coob cov hluas mus ua hauj lwm nyob hauv tej nroog lawm, ces tshuav cov laus zov me nyuam thiab saib vaj saib tsev xwb.

Kev tsa ib tug lwm thawj tswj tshiab li no, mas tau txais kev tos txais yam sov siab kawg los ntawm tsoom tub ntxhais hluas Kav Tos Liv nyob hauv lub Cheeb Koom Txoos Bac Ninh. Cov neeg ntseeg hais tias : peb ua Ntuj tsaug hais txog qhov paj tshab no. Vim ua ntej Txiv Plig Do Quang Khang yuav tuaj, mas peb sawv daws twb xub thov Ntuj lawm.