FABC 50 nqe lus kawg ntawm kev sab laj FABC rau cov neeg ntseeg As Xias

Cov neeg ntseeg ntawm lub Koom Txoos Kav Tos Liv nyob As Xias, thov faib cov lus ntawm kev sov siab, kev cia siab thiab kev sib koom ua ib lub siab rau tas cov neeg As Xias. Lawv txaus siab rau cov koob hmoov uas Tswv Ntuj pub rau cov neeg nyob As Xias los ntawm lub rooj sab laj cov Tswv Qhia As Xias (FABC). Uas muaj kev sab laj 17 pab Episcopal thiab 2 lub Koom Txoos sab hnub tuaj.

“Kev mus ua ke ntawm cov neeg As Xias” yog lub ntsiab lus ntawm peb kev sab laj. Peb maj mam sim xyuas nyob hauv peb txoj kev mus ua ke hauv 50 xyoo dhau los. Txhawb nqa lub Koom Txoos thiab ntsia pom txoj kev tshiab ntawm kev ua tub txib. Cov lus kawg ntawm FABC xav kom lub Koom Txoos nyob ze cov neeg pluag, cov neeg tawg rog, cov tub ntxhais hluas, poj niam txoj cai thiab xyuam xim ceev faj txog txhua yam nyob ib puag ncig.

Cov neeg tuaj sib sau laj nyob Bangkok, lawv ntxhov siab ntau yam txog cov xwm

txheej uas qee lub Koom Txoos tseem txom nyem, ces tsim nyog sawv daws yuav pom txog thiab sib koom ua ib lub siab. Lub suab qw nrov ntawm kev nyuaj thiab kev kub ntxhov, qhov ntawd yog lub hom phiaj uas lawv yuav muab siab rau mus txog ze. Ua hauj lwm rau txhua yam nyob ib puag ncig, tshawb nrhiav kev sib tham thiab txhawb nqa kab lis kev cai ntawm kev thaj yeeb thiab kev sib haum xeeb. Koom tes nrog kev teev hawm thiab tej kab lis kev cai nyob ze, nrog txhua tus neeg ua hauj lwm kom muaj txiaj ntsim qab hau rau neeg.