HAIS SAW MAB LIAB NYOB LAIS XOOS

Tuesday, October 27, 2020

Lub 10 hli no yog lub hli hais txoj saw Mab Liab. Hnub tim 11 lub hlis no nyob hauv lub zos pov txwv Lais Xoos (Lyson), lub Cheeb Koom Txoos Nqis Hnoos (Qui Nhon) thiaj ua cov kab ke hais txoj saw Mab Liab. Lub Cheeb Koom Txoos Nqis Hnoos yog nyob hauv lub nroog Aas Hais (An Hai), lub xeev Nquas Nyais (Quang Ngai). Lis Xoos yog ib lub pov txwv nyob nrug deb ntawm av qhuav li 15 lav kev.

Nyob hauv lub pov txwv Lais Xoos muaj neeg nyob li ntawm 22,174 leeg. Tab sis cov neeg ntseeg Kav Tos Liv tsuas muaj 500 leej xwb. Tom qab tus kab mob Covid-19 sib kis hnyav hnyav dhau mus lawm, mas hnub tim 5 lub 9 hlis tag los no cov tseem hwv nqua hu kom tsoom pej xeem nyob hauv lub zos pov txwv Lais Xoos rov khwv noj khwv haus thiab ua txhua yam li qub.

Lub zos pov txwv Lais Xoos yog sawv los ntawm thawj pab neeg muaj lub siab dawb siab zoo yav thaud, tsis yog sawv los ntawm cov tub tshaj Ntuj Lus pej kum los yog cov Txiv Plig.Tswv Qhia Mas Tais Kus Vaws Khos uas nyob Nqis Hnoos tau mus saib cov Txiv Plig nyob Lis Xoos txoj kev tshaj Ntuj Lus thiab nws hais tias : thov kom cov neeg ntseeg muab siab rau teev Ntuj thiab hais txoj saw Mab Liab, kom cov neeg ntseeg tau nyob ze ntawm Leej Niam Mab Liab. Cov Txiv Plig vam tias yav tom ntej yuav muaj cov Leej Phauj tuaj pab lawv txoj kev tshaj Ntuj Lus nyob Lais Xoos, vim tsoom pej xeem nyob Lais Xoos feem coob tseem tsis tau paub txog Tswv Ntuj