Hauv lub rooj sab laj Synod : tus poj niam Zis Pees uas yog tus sawv cev ntawm tus Txoov Tim Tswv, thiab tsis muaj Tswv Qhia tuaj ntawm Suav teb tuaj.

Vas Tis Kas tshaj tawm cov npe neeg uas tuaj koom lub rooj sab laj Tswv Qhia zaum tim 16 hais tias : Momoko Nishimura uas nws yog ib tug poj niam neeg ntseeg tuaj ntawm Zis Pees teb tuaj, nws yog tus sawv cev ntawm tus Txoov Tim Tswv. Thiab cov poj niam neeg ntseeg tuaj ntawm Hooj Koos, Myanmar, Fis Lees Pees thiab Mas Les Xias, lawv yog 10 leej poj niam uas cov Tswv Qhia As Xias (FABC) xa tuaj.

Hos Vaj Qhia Fas Ntshis Kus ntiag tug, mas nws xaiv Tswv Qhia Chow nyob Hooj Koos. Tab txawm tias muaj kev sib cog lus hais txog kev tsa Tswv Qhia nyob hauv xyoo 2018, tsis kav tsis pom muaj ib tug Tswv Qhia tuaj ntawm Suav teb tuaj li.

Tom qab kev nthuav tawm hais txog Instrumentum Laboris ob peb lub lis piam tag los, muaj kev cia siab hais txog kev sib sau sab laj cov Tswv Qhia As Xias 2 zaug, xws li lub 10 hli tom ntej no thiab lub 10 hli xyoo 2024 uas yog lwm xyoo. Kom tau xaus Synodality cov hauj lwm uas ua nyob thoob ntiaj teb, raws li Vaj Qhia cov lus nqua hu nyob hauv xyoo 2021, uas muaj lub ntsiab lus hais tias : 

“Synodal Church, kev muaj feem cuam txog kev ua hauj lwm.” raws li tau tshaj tawm mus lawm. Cov Tswv Qhia yuav ua hauj lwm koom nrog cov sawv cev cov neeg ntseeg, ua txhua yam hauj lwm hais txog kev tuav xam nyob hauv 2 xyoos dhau los.

Ib qhov tshiab tshaj plaws ntawm As Xias : yog kev txiav txim siab ntawm cov Tswv Qhia hauv kev xaiv ib tug neeg ntseeg Zis Pees ntawm 9 leeg sawv cev tus Txoov Tim Tswv. Momoko Nishimura yog tus sawv cev ua hauj lwm ntawm kev koob meej thiab Tswv Ntuj txoj kev khuv leej (SEMD), uas yog pawg neeg tshaj Ntuj lus. 

Nyob hauv Yokohama, nws yog tus thawj coj ntawm cov tub ntxhais hluas hauv tej zej zog. Nws hnub nyoog yuav txog 48 xyoo sai sai no. Nws tau mus kawm nyob hauv lub tsev kawm txheej siab Sophia nyob Zis Pees teb thiab nws siv sij hawm ua hauj lwm ob peb xyoos nyob As Zees Tis Nas teb, ces nws rov los Zis Pees teb xyoo 2017. 

Tsis tas li ntawd, nws kuj yog tus txhais “Fratelli tutti” uas yog muab Vaj Qhia phau ntawv kev txawj ntse los txhais ua lus Zis Pees. Momoko Nishimura yog ib tug nyob hauv 10 leej poj niam As Xias. Lawv yog cov poj niam muaj kev ntseeg zoo thiab yog cov neeg ntseeg uas Vaj Qhia xaiv los ua tim xyoob, tsis yog Tswv Qhia ntawm Synod. Lawv yog cov FABC xaiv tuaj.