HMOOV TSUJ XEEB TXWM 80 XYOO NTAWM 7 TUS TIM KHAWV THAIB

(https://www.paiduaykan.com/travel)

Thursday, February 11, 2021

Tim 19 lub 12 hlis 2020, Tswv Qhia Wiradet Jaiseree ua Tswv Cuab coj lub thaj txi Ntuj ua Tswv Ntuj tsaug txwm 80 xyoo ntawm 7 tug tim khawv nyob nroog Sungkhon, xeev Mukdahan. Cov kab ke xub chiv yog txiav hlua ua hmoov tsuj xeeb thiab hais lus tshaj tawm txog lub xyoo ntawm cov tub ntxhais hluas nyob hauv lub Cheeb Koom Txoos Tharae thiab Nong Saeng.

Lub Koom Txoos nyob Thaib teb tau tshaj tawm hnub tim 22 lub 11 hlis 2020 hais tias : yog lub xyoo ntawm cov tub ntxhais hluas ua kev nco txog txwm ib xyoos ntawm Vaj Qhia Fas Ntshis Kus tuaj tsham Thaib teb thiab ntsib tsoom tub ntxhais hluas. Tom qab ua thaj txi Ntuj tas, muaj kab ke kwv lub tsev hwm 7 tus khawv mus rau tom toj ntxas. Tas cov neeg ntseeg sib koom thov koob hmoov ntawm 7 tug tim khawv thiab thov Ntuj rau cov tim khawv lub tsev nyob Sungkhon.

Tswv Qhia Wiradet Jaiseree muab kev xav tswv yim rau cov neeg ntseeg hais txog Huab Tais Yes Xus tus Ntoo Cuam, yog tus piv txwv ntawm kev ua tim khawv. 7 tug tim khawv Thaib tau tuag ua tim khawv txog txoj kev ntseeg txog Yes Xus. Lawv tau kwv lawv tus ntoo cuam raws Huab Tais Yes Xus qab, lawv ua los ntawm kev hlub thiab kev ncaj ncees ib yam li Huab Tais Yes Xus ncaj ncees rau Leej Txiv, nws thiaj zoo siab tuag nyob saum Ntoo Cuam. Thaum cov neeg ntseeg saib Yes Xus tus Ntoo Cuam, mas lawv yuav pom txog 7 tus tim khawv lawv tej hauj lwm nyob Sungkhon.