Ib tug poj niam Mas Les Xias raug quab yuam kom koom tes ntxias neeg hauv Internet nyob Khas Phus Chas

Friday, April 22, 2022

Ib tug poj niam Mas Les Xias raug quab yuam kom koom tes ntxias neeg hauv Internet nyob Khas Phus Chas

(Malaysian women forced to engage in online scams in Cambodia) -Asianews photo-

Lub Koom Haum Suav nyob Mas Les Xias tau muab qhov teeb meem hais txog 100 tus poj niam raug quab yuam ua hauj lwm ntxias neeg nyob hauv Internet.

Qhov no tseem yog ib qho teeb meem me me uas raug rau ntau txhiab tus neeg los ntawm cov Casino network uas tseem hwv Khas Phus Chas txais tuaj nkag teb chaws. Muaj 100 tus poj niam uas hnub nyoog 17 xyoo raug kaw nyob Khas Phus Chas teb, lawv lub cev raug quab yuam thiab raug tsim txom. Lawv raug quab yuam ua hauj lwm ntxias neeg nyob hauv Internet.

Tom qab cov poj niam ntawd lawv nkag mus txog Khas Phus Chas teb, mas lawv raug kaw nyob twm zeej thiab muaj neeg tuav riam phom zov lawv. Dhau ntawd lawv raug quab yuam ua hauj lwm ntxias neeg nyob hauv Internet, yog tus twg tsis kam ua mas nws raug rau txim. Tseem muaj ib txhia raug quab yuam ua niam ntiav zoo ib yam li cov raug quab yuam ntxias nyiaj nyob hauv Internet.