IB TUG TUB TSAV DAV HLAU PAB COV NEEG TXOM NYEM

Ib tug tub tsav dav hlau hu ua Davin Bennett nws nyob hauv lub Koom Haum Philippine Adventist Medical Aviation Service, nws yog tus tub tsav dav hlau pab cov neeg txom nyem nyob hauv cov zej zog uas deb kev vam meej. Vim tsoom pej xeem Fis Lis Pees uas pluag txom nyem tseem muaj coob heev nyob hauv cov thaj tsam deb kev vam meej. Bennett yog neeg Ntsas Mais Kaj (Jamaican), nws muaj 35 xyoos. Bennett yog ib tug tub tsav dav hlau nyob hauv 5 leeg tub tsav dav hlau PAMAS, uas tsav nkoj cua kiv ntas (Helicopter R44 II). 

Txij xyoo 2007 los, lub Koom Haum tub tshaj Ntuj Lus pab neeg tau koom tes nrog kev ya dav hlau thiab cov kws kho mob nyob hauv ntau thaj tsam, hauv lub xeev Palavan uas nyob hauv lub pov txwv Luzon thiab Mindanao qab teb. Txhua txhua xyoo yuav muaj cov tus tshaj Ntuj Lus tuaj ntawm lub Koom Haum dav hlau caij dav hlau mus pab cov neeg txom nyem li ntawm 700 teev, los yog 80 feem pua ntawm cov fij dav hlau. PAMAS yog lub Koom Haum thauj kws kho mob thiab yog tib txog kev nyob hauv lub teb chaws xwb. Kev siv dav hlau thauj cov kws kho mob tsis raug them nyiaj, vim muaj cov neeg zoo siab dawb paug ua txoj hauj lwm ntawd thiab tau nyiaj los ntawm cov neeg siab zoo pab txhawb nqa. Tsaib no lub 3 hlis, mas tseem hwv Fis Lis Pees muab PAMAS kaw tseg lawm, vim yog tus kab mob Covid-19.

Vim li ntawd, kev mus los thiaj yog teeb meem loj rau cov thaj tsam uas tsis muaj kws kho mob. Nyob hauv 10,000 tus neeg mas tsuas muaj 6 leej yog kws kho mob xwb. Txhais tias yog ib qho uas muaj kws kho mob tsawg tshaj nyob As Xias toob fab naj raws li ntiaj teb lub Koom Haum kev noj qab haus huv hais. Yog vim tsis muaj cov kws kho mob txaus, ces cov neeg tuag 7 leej nyob hauv 10 leej yog cov tsis tau mus cuag kws kho mob. Vim li ntawd, kev tshais chaw los yog kev siv dav hlau thauj cov kws kho mob, thiaj yog ib qho tseem ceeb ntawm cov pej xeem nyob deb nroog thiab deb kev vam meej. Bennett tib leeg xwb uas tsav dav hlau yav mus pab tsoom pej xeem nyob deb uas tsis muaj kws kho mob nyob hauv thawj 3 lub hlis.