Kav Tos Liv lub Website ntawm Radio Veritas Asia tau txais paj tshab

Kev Online hnub tim 18 lub 2 hlis, yog tshaj tawm hais txog qhov paj tshab tshaj xov xwm ntawm Kav Tos Liv uas yog Areopagus Communications thiab Youth Pinoy, txhua lub rooj pwm tsav koom nrog lub rooj sab laj cov Tswv Qhia Kav Tos Liv nyob Fis Lis Pees (CBCP) ua tus tshaj tawm cov npe tau txais paj tshab CSMA 2022.    

Radio Veritas Asia raug xaiv ua Kav Tos Liv lub Website uas zoo tshaj. RVA yog qhov chaw tshaj tawm xov xwm Kav Tos Liv nyob As Xias teb, thiab pib muaj nyob hauv xyoo 1969 uas chiv thawj yog lub xov tooj cua tshaj tawm mus thoob As Xias teb ua txhua xeem lus. 

RVA nto npe tias : “Lub suab kev ntseeg nyob As Xias”, xyoo 2018 RVA hloov kev tshaj xov tooj cua Short Wave mus tshaj nyob Digital. RVA tshaj Yes Xus lub Moo Zoo nyob hauv Website thiab Social Media ua lus Aas Kiv thiab 21 xeem lus nyob As Xias teb. Lub Website lus Aas Kiv ntawm RVA thiaj raug xaiv ua lub Website zoo thiab tau txais paj tshab. Txhua yam kev tshaj tawm ntawm RVA yog tau txais kev txhawb nqa los ntawm lub Koom Txoos. Lub paj tshab tshaj xov xwm Kav Tos Liv tus tswv yog Youth Pinoy, yog pawg tub ntxhais hluas Kav Tos Liv nyob Fis Lis Pees. 

Thiab txhawb nqa los ntawm lub rooj sab laj cov Tswv Qhia nyob Fis Lis Pees teb. 

Lub paj tshab tshaj xo Kav Tos Liv no pib muaj txij xyoo 2016 los, thiab lub hom phiaj yog qhuas txog tej tus neeg los sis tej lub Koom Haum uas tshaj Yes Xus lub Moo Zoo nyob hauv Online.