KAV TOS LIV THIAB THAIS VAS TXOJ KEV LOJ HLOB

Thursday, March 04, 2021

Hnub tim 18 lub 7 hli tsaib no, Tsai Ing Wen uas yog tus Txoov Tim Tswv Thais Vas tau koom cov kab ke tsa Txiv Plig Tos Mas Chung An Zu nyob Thais Pes. Tus Txoov Tim Tswv Tsai qhuas tias lub Koom Txoos tshwm sim nyob Thais Vas teb los ntau pua xyoo thiab muaj kev koom tes nrog tseem hwv Thais Vas txhim kho teb chaws. Yog ib qho pom meej tias Thais Vas thiab lub Koom Txoos sib koom siab, tsis zoo li Suav teb uas txwv txiav txoj kev ntseeg ntawm tsoom pej xeem thiab kev coj txoj cai sib txawv. Tsoom pej xeem Thais Vas muaj 24 plhom leej, tab sis cov neeg ntseeg tsuas muaj li 4 feem pua xwb. Thawj zaug uas cov tub tshaj Ntuj Lus pej kum neeg mus txog Thais Vas teb, mas yog xyoo 1626.

Xyoo 1859 cov tub tshaj Ntuj Lus Dominicans pib tshaj Ntuj Lus nyob hauv tej lub zos me me uas yog cov neeg thoj nam khiav ntawm lub xeev Fuv Ciaj (Fujian) thiab Kuaam Too (Guangdong) nyob Suav av loj los. Tsis ntev tom qab pib muaj cov neeg ntseeg, ces cov tub txawj tub ntse mus kawm nyob Aas Kiv, nyob As Mes Lis Kas thiab nyob Kas Nas Das lawv kuj rov los nyob Thais Vas. Tab txawm cov neeg ntseeg yog ib co tsawg tsawg, tab sis coob leej hauv cov neeg ntseeg kuj muaj feem cuam koom kev tseev tsim nrog cov tseem hwv. Xyoo 1949 muaj 4 tug Txoov Tim Tswv Thais Vas uas lawv yog cov ntseeg Plos Tes Taas. Hos yawg Chen Chien Jen uas nws yog ib tug kws txuj Kav Tos Liv, nws tau ua Txoov Tim Tswv kav Thais Vas teb xyoo 2016-2017. Tej yam no qhia peb tias kev sib cais sib tawg ntawm cov kev teev hawm yog tej yam tsis muaj qab hau thiab tsis tsim nyog yuav muab los siv. Qhov yuav ua kom lub teb chaws nyob thaj yeeb thiab vam meej, mas yog kev sib koom tes thiab sib haum xeeb.