KEV HLUB RAU NIAM MAB LIAB NYOB NPEES LAS DES

Txoj kev nyiam kev hlub uas cov neeg ntseeg muaj rau Niam Mab Liab nyob Npees Las Des teb, mas muaj los lawm ntau caum xyoo. Muaj coob leej poj niam Npees Las Des uas lawv tau muab lawv tus kheej los cev thiab ua hauj lwm pub rau Niam Mab Liab, yam li lawv siv lawv sim neej los hais Txoj Saw Mab Liab txhua txhua hnub sawv ntxov thiab tsaus ntuj.

Lub 10 hli ntuj yog lub hli uas cev yus tus kheej rau Niam Mab Liab thiab hais Txoj Saw Mab Liab raws ntawv xam nyoog Kav Tos Liv, Npas Mas (Palma) yog ib tug poj niam Npees Las Des uas tau muab nws tus kheej los cev rau Niam Mab Liab. Npas Mas kuj nrog cov poj niam zej zog thiab cov me nyuam yaus ntau pua leej nyob Npees Las Des qaum teb koom hais Txoj Saw Mab Liab ib yig dhau ib yig. Kev hais Txoj Saw Mab Liab, mas yuav muab siab rau hais thiab tswj lub siab kom tus. Thov kom Niam Mab Liab pov hwm ib zeej tsoom poj niam thiab pub kev twj lij rau ib zeej tsoom neeg.

Lawv hais tias kev cev tus kheej rau Niam Mab Liab thiab hais Txoj Saw Mab Liab txhua hmo, mas zoo li yog ib txoj cai nyob hauv yus yim neeg thiab yog ib yam tsim nyog ua nyob hauv yus lub neej txhua txhia hnub. Kev hais Txoj Saw Mab Liab nyob hauv txhua yim neeg pib txij xyoo 1950 los, uas muaj Txiv Plig Pas Thiv Pes Toos Patrick Payton ntawm lub Koom Haum Irish Holy Cross ua tus coj nyob hauv cov xyoo 1902 txog 1992.