Kev ntseeg Kav Tos Liv nyob Fis Lis Pees teb tsis tuag

Kev ntxias dag thiab kev noj qab haus huv, ua rau cov neeg siab ncaj tsis ntseeg. Cov neeg Fis Lis Pees ntseeg Ntuj ntau txhiab leej poob siab tias, raws kev soj ntsuam kev siv nyiaj txiag ntawm lub rooj pwm tsav noj qab haus huv (DOH), siv nyiaj ntau plhom los ua kev tiv thaiv tus kab mob COVID-19. Muaj ib tug tub ua hauj lwm fab kev noj qab haus huv hais tias qhov no yog ib yam qhia kom yus paub. Vim muaj ntau tus tub saib xyuas kev noj qab haus huv thiab cov neeg mob coob leej tuag, vim lawv tsis tau txais kev kho mob thiab tsis muaj tej twj kho mob txaus.

Hauv lub xeev Sorsogon uas nyob thaj tsam Bicol nyob Luzon qab teb, tsuas muaj cov tshuab pab ua pa 7 lub xwb, tab sis cov neeg mob yog 118 leej.

Kev siv nyiaj txiag ntau plhom los mus muas tej toob xib pab cov neeg mog ua pa nyob thoob teb chaws, mas yog nkim dag pov tseg xwb. Yam li siv nyiaj yuav 4 lub Laptop xwb, twb raug nyiaj li ntawm 700,000 pes xos los yog 14,000 US dos las lawm. Ces kev siv nyiaj no thiaj ua rau coob leej neeg poob siab thiab ceeb tag.

Cov thaj tsam uas muaj neeg raug kab mob coob tshaj, lawv tsis tau txais kev pab thiab tej toob xib kho mob ntau pes tsawg. Cov neeg ua hauj lwm hauv tsev kho mob tau taij thov tej yam uas cheem tsum siv, yam li nyiaj pab cov neeg mob thiab txo se. Qhov txawv txav mas yog cov nyiaj paj tshab rau cov kws kho mob hauv xyoo 2018, mas xyoo no mam tuaj txog.

Peev nyiaj txiag uas yuav muab coj los pab tsoom pej xeem Fis Lis Pees tiag tiag, xws li kev soj ntsuam kab mob, kev caum cov neeg nyob sib ze, nyiaj hli, pab cov kws kho mob yuav txaj rau neeg mob pw thiab yuav tshuab pab ua pa thiab lwm yam. Peev nyiaj txiag no yeej muaj txaus, tab sis cov nyiaj mus txog. Yog vim lub teb chaws muaj kev nyiag noj nyiaj ntau, ces thiaj ua rau cov neeg txom nyem thiab tsis muaj twj rau cov kws kho mob txaus. Cov neeg txom nyem tsis muaj lwm txoj kev, lawv tsuas yog rov sib vam txog lawv lub siab zoo sib pab thiab nug tias ; vim li cas Tswv Ntuj thiaj rau txim rau cov neeg Fis Lis Pees.

Tswv Qhia Socrates Willegas hais tias : txoj kev xav uas tsoom pej xeem Fis Lis Pees coob leej poob siab, yog los ntawm kev nyiag noj nyiaj thiab tseem hwv tsis muaj kev ncaj ncees. Tej no yog tus yawm sij yuav pab kho kev tswj hwm kom zoo tuaj, kom neeg paub txog kev phem kev zoo uas yuav coj cov neeg ntseeg, cov Txiv Plig thiab cov Leej Phauj txawj muaj lub siab hlub neeg dua qub. Thiab yuav nug tias vim li cas lub caij muaj tus kab mob sib kis li no, cov nom tswv qee leej ho tsis kam nqa nyiaj nrog cev.