KEV SIB NTAUS ROG NYOB MIAS MAS TEB

Cov tub rog Mias Mas thiab cov PDF nyob hauv lub xeev Maas Ntas Les uas yog lub nroog loj tim 2 nyob Mias Mas teb. Ob tog tau sib ntaus sib tua, ces ua rau neeg tuag 3 leeg thiab raug mob coob leej.

Kev sib ntaus siab tua, yog pib thaum sawv ntxov. Cov tub rog nkag mus hauv cov PDF lub tuam tsev hauj lwm nyob hauv lub nroog, ces 2 tog tau sib tua hnyav kawg thiab yog thawj zaug kev sib tua nyob hauv nroog. Lub nroog Maas Ntas Les yog lub nroog loj uas muaj neeg nyob li ntawm 1 plhom 700 tawm txhiab leej.

Lub rooj pwm tsav tub rog Mias Mas hais tias raws kev soj ntsuam mas kev sib tua zaum no yog xuas phom thiab hoob pob. Ua rau cov yeeb ncuab raug tua tuag 4 leeg thiab raug ntes 8 leej. Txij hnub uas cov tub rog txeeb teb chaws nyob hauv hnub tim 1 lub 2 hlis xyoo no los, cov tub rog tau cheem kev tawm tsam ntawm tsoom pej xeem thiab tua neeg, ntes ntau pua leej neeg coj mus kaw nkuaj. Yog vim li ntawd, mas tsoom pej xeem thiaj sawv tawm tsam nyob thoob teb chaws thiab nyob hauv cov teb chaws As Xias toob fab naj kom tau tiv cov tseem hwv tub rog.

Vaj Qhia Fas Ntshis Kus tau thov kom lub rooj pwm tsav tub rog muab siab rau saib xyuas tsoom pej xeem uas lawv raug kev tshaib nqhis thiab kev kub ntxhov. Tsis tas li ntawd, kom cov tub rog hwm cov tsev teev hawm thiab tej chaw ntshiab nrog rau cov tsev kawm ntawv.

Hnub Chiv tag los, Vaj Qhia tau foom hmoov zoo rau cov neeg ntseeg nyob hauv lub tuam tsev teev Ntuj hwm Leej Ntshiab Pob Zeb thiab Vaj Qhia hais tias : nws xav ntxiv lub suab nrog cov Txiv Plig nyob Mias Mas teb qhua hu kom cov tub rog txawj hlub txog tsoom pej xeem. Vaj Qhia twb tau thov ntau zaus lawm kom cov tub rog tso cov tub tseev tsim uas raug ntes nyob Mias Mas teb.