KEV THOV NTUJ THIAB UA NEEG ZOO

Tuesday, November 03, 2020

Nyob hauv hnub hwm tsoom tub tshaj Ntuj Lus nyob thoob ntiaj teb. Vaj Qhia ua Tswv Ntuj tsaug uas Txiv Plig Lus Ntsis (Luigi) thiab 3 tug neeg raug tso tawm nkuaj, ces Vaj Qhia thov kom tas tsoom neeg ntseeg thov Ntuj rau tas cov neeg raug iab hiam nyob thoob ntiaj teb.

Txiv Plig Lus Ntsis hais tias : “Peb cov tub tshaj Ntuj Lus kheev kheev yog lub hom phiaj ntawm kev iab hiam los ntawm ntau ntau yam nyob ntiaj teb no. Peb raug txom nyem, vim peb muaj kev ntseeg thiab kev tso siab. Peb ntseeg tias kev thaj yeeb yog kev yeej.”

Txig Plig Lus Ntsis raug ntes nyob Nis Zes teb (Niger) hnub tim 17 lub 9 hlis 2018, thiab nws raug tso nyob Mas Lis teb (Mali) los ntawm kev sib pauv cov neeg raug txim 2 lub lis piam dhau los no. Txiv Plig Lus Ntsis thov ua sawv daws tsaug ntau ntau uas tau thov Ntuj pab nws lub caij raug ntes. Vam tias tsis ntev luaj twg, nws yuav tau tawm los nyob twj lij thiab ntsib nws tsev neeg.

Txiv Plig Lus Ntsis hais tias : chiv thawj nws xav tias nws txoj kev tshaj Ntuj Lus yuav ploj ntais thiab tsis muaj qab hau dab tsi nyob hauv nkuaj. Tab sis qhov tiag 2 xyoos uas nws raug txim, mas yog 2 xyoos cov hauj lwm Mis Xis Os Ntes Is (Missio Dei) txi txiv zoo nyob ntawm Tswv Ntuj xub ntiag. Txiv Plig Lus Ntsis hais ntxiv tias : lawv ntes nws thiab coj nws mus, nws hnav cev khaub ncaws pw xwb. Tab sis nws hais txoj saw Mab Liab txhua hnub sawv ntxov thiab tsaus ntuj, nws tso siab rau Niam Mab Liab. Nws vam tias Niam Mab Liab yuav pab cawm nws.