KEV TSHAJ NTUJ LUS THIAB YAM RUAJ KHOV UAS YUS XAV TAU YOG YUS YIM NEEG LOS THIAB LUB NTIAJ TEB

Tus Tswv Qhia Liab hu ua Has Mes (Hummes) hais tias : lo lus teb ntawm lo lus nug hais txog teeb meem tej pab neeg coob coob, mas yog yuav tsum sib pab daws teeb meem, tsis yog ua kom sib tawg los sib faib. Qhov ntawd yog sib pab daws teeb meem ntawm cov neeg pluag txom nyem, hwm cov hlob thiab sib pab txuag txhua yam nyob hauv lub ntiaj teb no.

Kev tshaj Ntuj Lus thiab yuav tsum saib xyuas yus lub cuab yim neeg nrog rau lub ntiaj teb, tsis hais fab twg los yus yuav tsum saib xyuas kom txhua, vim nws puav leej tseem ceeb thiab muaj nuj nqis rau yus. Tswv Qhia Liab Has Mes tseem hais ntxiv tias : hais txog kev daws teeb meem hauv zej zog, kev txuag xyoob ntoo thiab hav zoov, mas yog yam tseem ceeb uas tsim nyog ua kom sai thiab ua tiag tiag. Yuav tsum mloog lub ntiaj teb thiab cov neeg pluag txom nyem zaj tswv yim. Cov neeg pluag txom nyem tsis hais nyob hauv nroog los pem toj siab, yuav tsum saib muaj nqis ib yam. Thiaj tsim nyog yus hais txog tej pab neeg coob coob thiab hav zoov xyoo ntoo, vim huab cua hav zoov thiab xyoob ntoo yog qhov muaj nqis rau neeg. Hnub uas Tswv Qhia Liab Has Mes hais cov lus ntawd, mas muaj cov sawv cev ntawm 17 haiv neeg thiab 9 tug poj niam tuaj nrog koom. Lawv ua pov thawj hais txog kab lis kev cai thiab hais txog kev ntseeg pab txhawb nqa tib neeg lub neej.

Txhua yam ntawm kev sib koom zaum no, mas yuav tsum pib nqis tes ua qee yam. Sawv daws yuav sib koom tes tiag tiag, mas lub hom phiaj ntawm kev sib tham thiaj yuav tiav thiab tsis nkim sij hawm dag.