kev ua rau lwm tus yam muaj meej mom, tsis yog zoo li toob xib

Vaj Qhia hais tias : lwm tus neeg tsim nyog tau txais kev ua yam muaj meej mom thiab muaj kev sib hwm, vim tej yam ntawd tsis yog zoo li tej toob xib uas siv tag muab pov tseg. 

Vaj Qhia cov lus raug muab nyeem ua suab tawm nyob hauv kev tshaj tawm hais txog tib neeg lub neej txoj sia, nyob hauv lub tshav puam hwm Leej Ntshiab Pob Zeb. 

Vaj Qhia teem caij yuav rov mus hauv tsev kho mob rau lis piam hnub 3 thiab nws yuav raug phais. Vaj Qhia hais tias : “Tab txawm kuv mus ntsib nej tsis tau, tsis kav kuv zoo siab tos txais thiab thov ua tsaug hauv nruab siab tuaj.” 

Tus nyeem Vaj Qhia cov lus ua suab tawm, yog Tswv Qhia Mauro Gambetti tus Tswv Qhia nyob hauv lub tsev teev Ntuj hwm Leej Ntshiab Pob Zeb. 

Nyob hauv tsab ntawv Fratelli tutti, Vaj Qhia tau hais tias : “Kuv sau tias ; kev ua kwv ua tij tsim nyog yuav nrhiav qhov tseem ceeb, kom tau pab kev ywj pheej thiab kev muaj vaj huam sib luag. Vim tus neeg saib tias yog tij los kwv, kom lawv txawj ntsia pom qhov tseeb nyob hauv lawv lub ntsej muag tsis yog ib tug duab xwb.”

"Lwm tus neeg kuj yog 'neeg' muaj meej mom thiab tsim nyog muaj kev sib hwm. Tsis zoo li tej toob xib siv, uas siv tag yuav muab coj mus pov tseg.” 

Cov xwm txheej tshwm sim hnub tim 10 lub 6 hli uas hu ua ‘Not Alone’, muaj qhov chaw nruab nrab ua qhov chaw sau npe hais txog kev ua lub neej ntawm tib neeg. Sau los ntawm cov tau txais lub txiaj Nos Npes hais txog kev thaj yeeb li 10 tawm leej.

Vim Vaj Qhia txoj kev sib koom tes, mas peb yuav rov zeem tseeb tias : txoj kev sib haum xeeb tiag, tsis tau khiav tawm ntawm kev sib txeeb. Tab sis nws tiav log nyob hauv kev sib txeeb, uas daws kho los ntawm kev tab meeg sib hais : ncaj ncees thiab ua siab ntev. (Fratelli Tutti, n244) tas txhua yam no yog nyob hauv tib neeg kev ncaj ncees txoj cai.