KEV UA TIAG NYIAJ YOG TSWV NTUJ QHIA KOM PEB TXAWJ NRHIAV LUB TSWV YIM TSHIAB

Vaj Qhia Fas Ntshis Kus ua thaj txi Ntuj nyob hauv lub tuam tsev teev Ntuj hwm Leej Ntshiab Pob Zeb, nws hais txog “Tswv Ntuj txawj ua siab ntev”. Tsis hais lub caij poj niam thiab txiv neej raug kev kub ntxhov. Vaj Qhia hais tias : kev ua tiag nyiaj thiab muaj peev xwm, ua kom peb txawj nrhiav tej txoj kev tshiab los pab peb tus ntsuj plig xws li nyob hauv Xis Mes Oos lub neej. Xis Mes Oos tos ntsoov seb cov lus Tswv Ntuj cog rau nws puas tsheej xeeb. Xis Mes Oos ua siab ntev tas nws sim neej, thiab nws tsis ntxub tsis yws. Tam sim no Xis Mes Oos yog ib tug neeg laus lawm, tab sis hauv nws lub siab tseem kub lug. Nyob hauv Xis Mes Oos sim neej, muaj qee zaus nws ntsib kev mob siab thiab qaug zog. Tab sis nws tsis tag kev cia siab, vim nws tso siab rau lo lus cog. Cov nplaim tswm ciab hauv lub thaj txi Ntuj yog lub cim ntawm tib neeg, Vaj Qhia thiaj thov kom ib tsoom neeg ntseeg tsis hais poj niam los txiv neej, sawv daws ua siab ntev ua tiag nyiaj raws li Tswv Ntuj lub siab ntev.