KHAS LIS TAV QHIA KEV TXUAG XYOOB NTOO

Tsis ntev dhau los no, cov Khas Lis Tav nyob Fis Lis Pees teb tau tseb ib cov ntawv qhia txog kev txuag xyoob ntoo nroj tsuag rau ib zeej tsoom neeg. Kom sawv daws uas raws li Vaj Qhia Fas Ntshis Kus cov lus, vim yuav txwm xyoo tim 5 ntawm Vaj Qhia phau ntawv sau hais txog kev ua lub neej neeg ntseeg thiab kev mloog Tswv Qhia cov lus qhuab qhia. Tus Tswv Qhia nyob Kidapawan, uas nyob sab hnub tuaj ntawm Cotobato hais tias : lub Koom Txoos Kav Tos Liv yuav muab siab rau ua cov hauj lwm no kom tau txuag sawv daws cov tsev neeg. Phau ntawv no lub hom phiaj yog xav qhia kom txhua tus neeg txawj ua tus coj ntawm ib zeej tsoom neeg, kom paub txog yam muaj nqis ntawm xyoob ntoo thiab nroj tsuag.  
Edwin Gariguez uas yog tus lwm thawj tswj ntawm Kas Lis tav nyob Fis Lis Pees hais tias : kev qhia kom lwm tus txawj soj ntsuam nws tus kheej thiab txawj xav txog kev daws teeb meem, kev txuag tej xyoob ntoo, mas yog ib co hauj lwm uas tsim nyog sawv daws yuav tsum paub txog. Kev kawm kom yus paub, mas kuj yog ib txoj kev zoo uas yuav qhia rau luag tej.