KOOM TXOOS THIAB TAS NTIAJ TEB NEEG TSUM MUAJ POJ NIAM TUS XEEB CEEM

Kev nrog Niam Mab Liab mus tsev kawm ntawv, yog mus hauv lub tsev kawm uas ua lub neej siab zoo thiab pab luag tej. Niam Mab Liab yog tus xib hwb, vim nws yog thawj tug thwj tim uas qhia thawj tug tsiaj ntawv hais txog kev ua lub neej thiab ua neeg ntseeg zoo heev. Vaj Qhia Fas Ntshis Kus muab siab rau txog 2 lo lus no nyob hauv Ntawv Ntshiab thiab nws hais tas li tias : “Niam Mab Liab yog Niam thiab yog ib tug poj niam”. Niam Mab Liab tau txais lo lus qhuas los ntawm Es Lis Xas Npes tias yog Huab Tais Leej Niam, thiab yog tas peb sawv daws leej niam. Niam Mab Liab tau xeeb Yes Xus thiab yug Yes Xus los ua peb tus tij, kom tau tsom kwm saib xyuas peb. Niam Mab Liab ua kom lub Koom Txoos thiab lub ntiaj teb neeg sib haum xeeb zoo li ib pab kwv tij.

Vim li ntawd lub Koom Txoos thiaj saib Niam Mab Liab lub siab yog lub siab zoo ncaj ncees, thiab tas ntiaj teb neeg saib Niam Mab Liab zoo li ib lub tsev rau cov me nyuam. Peb xav tau ib leeg niam uas muaj lub siab mos siab muag thiab hlub me nyuam, ces peb yuav tsum paub tias kev sib hlub sib faib thiaj yog kev sib haum xeeb nyob hauv ib yim neeg. Ib lub teb chaws uas tsis muaj niam, mas lub teb chaws ntawd tsis muaj lub neej. Vam txog kev nplua nuj xwb, nws yuav pab lub neej tom ntej tsis tau. Niam yog tus ua kom cov me nyuam paub tias lawv nyob muaj tsev, thiab yog tus pub txhua yam rau cov me nyuam. Niam Mab Liab yog tas txhua yam uas tseem ceeb. Yog tus poj niam uas cawm lub ntiaj teb neeg raws li cov lus hais nyob hauv Ntawv Ntshiab txog qhov kawg, mas Niam Mab Liab tau hnav cev khaub ncaws muaj lub hnub thiab saib xyuas tas Huab Tais Yes Xus tsoom tub ki. Thaum Niam Mab Liab tab tom tsim lub Koom Txoos tsev neeg, mas ua rau sawv daws pom txog Niam Mab Liab lub siab zoo thiab ncaj ncees dawb huv.