LEEJ PHAUJ LIS PHAU NTAWV PAJ LUG PIAV TXOG NWS LUB NEEJ NTSEEG

Tuesday, February 23, 2021

Ib tug Leej Phauj Kav Tos Liv uas nws yog neeg Kav Tos Liv nto npe los ntawm nws sau ib phau ntawv hais txog lus paj lug hauv nws lub neej. Yog hais txog tej yam zoo nyob hauv nws lub neej 70 xyoo dhau los. Leej Phauj Claudia Lee muaj hnub nyoog 75 xyoos, nws yog nyob hauv lub Koom Haum Leej Phauj Oliveton Benedictine nyob hauv lub nroog Pus Xas. Phau ntawv Leej Phauj Claudia Lee sau mas yog lus Kos Lim, lub npe no sau lus Aas Kiv ua “The Word Of Understanding”. Yog ib phau ntawv muaj lub ntsiab hais txog neeg lub neej thiab tej yam uas nws tau ntsib tas nws sim neej nyob hauv 57 xyoo uas nws ua Leej Phauj.

Leej Phauj Claudia Lee hais tias : phau ntawv no yog ntim txhua yam hais txog kev mus los nyob hauv kuv lub neej, kev nyuaj kev ntxhov ntau caum xyoo dhau los. Muaj coob leej xav hais tias kuv sau yog sau paj huam thiab kev hlub.

Tas Leej Phauj lub neej nws tau coj rawv lo lus no : “Thaum kuv nrog cov neeg tsis muaj zog, kuv ua neeg tsis muaj zog, kom rub tau cov tsis muaj zog. Kuv npuab txhua leej txhua tus, vim kuv xav cawm kom tau ib txhia”.

Leej Phauj Claudia Lee yug hnub tim 7 lub 6 hli xyoo 1945, nyob hauv lub nroog Yangshuo xeev Kangwon uas ze Kos Lim Pej. Lub caij tsov rog Kos Lim, nws txiv raug ntes thiab coj mus kaw nyob Kos Lim Pej, hos lawv tsev neeg raug yuam kom khiav mus nyob Pus Xas. Thaum nws kawm tiav qib nrab, nws tau nkag mus nyob hauv lub Koom Haum Leej Phauj Olivetan Benedictine Sisters Of Busan xyoo 1964. Nws cog lus thawj zaug yog xyoo 1968, thiab cog lus zaum kawg yog xyoo 1975. Olivetan Benedictine Sisters muaj txoj cai nruj heev hais txog cov poj niam Kav Tos Liv. Leej Phauj qhia kev ntseeg thiab tshaj Ntuj Lus zoo heev, ces muaj neeg qhuas nws kawg thiab nws nto npe.

Nyob Kos Lim Naj Leej Phauj muab siab rau qhia kev ntseeg nyob hauv nws lub zos thiab lwm lub zos, nyob hauv lub Cheeb Koom Txoos Pus Xas, lub Cheeb Koom Txoos Xes Us (Seoul) thiab lub Cheeb Koom Txoos Daejeon. Txij thaum nws yau los, nws nyiam lub neej ua Leej Phauj thiab nyiam lus paj lug heev, ces nws thiaj sau paj lug kwv huam uas yog nws ntiag tug. Xyoo 1975, Leej Phauj luam nws phau ntawv thawj zaug muaj lub npe hu ua : “Thaj av uas muaj paj Dandelion”. Txij ntawd los nws tau luam cov ntawv paj lug 13 phau thiab ntawv qhuab qhia 10 phau.