LUB CAIJ COVID-19 SIB KIS, MUAJ COOB LEEJ TIG LOS TXAIS HUAB TAIS YES XUS NYOB HAUV NROOG NPAAS KOJ, THAIB TEB

Friday, January 15, 2021

Txiv Plig Adriano Pelosin uas yog nws ib tug tub tshaj Ntuj Lus PIME nyob Thaib teb tau 42 xyoos. Nws piav txog kev pab 300 yim neeg pluag txom nyem nyob hauv hnub ua hmoov tsuj xeeb Yes Xus yug los. Vim Txiv Plig ua hauj lwm pab txuag thiab saib xyuas cov poj niam uas raug quab yuam.

Txiv Plig hais tias kuv raws qab cov xwm xwm nyob Is Tas Lias teb hais txog tus kab mob Covid-19, thiab kuv nyob nrog cov yim neeg uas raug xwv txheej los ntawm tus kab mob thiab kuv thov Ntuj. Neeg muaj mob 4,246 leej thiab tuag 60 leej. Txij thaum muaj tus kab mob Covid-19 sib kis los, cov tub ntxhais hluas nyob thaj tsam ntawm kuv nyob tau mus ncig xyuas cov neeg mob. Cov tseem hwv kaw tshav dav hlau, kaw cov tshav nkoj uas nyob npuas Mias Mas teb, Los Tsuas teb, Khas Phus Chas teb thiab Mas Les Xias teb. Ua rau cov neeg ua zog poob hauj lawm coob leej thiab ua teeb meem rau kev ncig tsham teb chaws 15 feem pua los ntawm kev lag luam.

Peb mus saib xyuas 300 yim neeg uas yog cov pluag thiab txom nyem, peb nqa txhiam xws noj thiab roj mus faib rau lawv. Peb kuj npaj kom muaj kev kawm Ntawv Ntshiab nyob hauv ntau qhov chaw. Peb qhia txog lub zog ntawm neeg kev sib koom thiab Tswv Ntuj lub hom phiaj yav tom ntej. Cov neeg pab tau mus pab lawv feem coob yog cov teev hawm Phus Thas, txawm li cas los xij kev teev hawm tsis yog qhov tseem ceeb ntawm peb, vim kev sib nkag siab txog cov haiv neeg txoj kev teev hawm sib txawv. Peb ua cov hauj lwm nyob hauv tej pab neeg coob, kom tau rhuav tshem kev phem pab cov neeg raug tso tseg.