Lub Cheeb Koom Txoos nyob Bangkok muab cov tsev kawm ntawv hloov los ua tsev kho mob COVID-19

Lub Cheeb Koom Txoos Kav Tos Liv nyob Bangkok tau muab cov tsev kawm ntawv los ua tsev kho mob thiab muaj 630 lub txaj pw. Vim tias tam sim no cov teb chaws nyob As Xias toob fab naj tab tom sib kis tus kab mob heev zuj zus, yam tsis tau muaj los dua. Tus Tswv Qhia Liab Francis Xavier Kriengsak thiab yog tus Tswv Qhia saib lub Cheeb Koom Txoos Bangkok hais tias : “Tib neeg raug kev txom nyem npaum cas, mas peb haj yam xav tau kev hlub, kev khuv leej thiab kev sib faib npaum ntawd”.

Tswv Qhia Francis Xavier Kriengsak tau muab ntau yam pab neeg cev rau tus thawj tswj lub xeev Nakhon Pathom nyob hauv hnub tim 6 lub 8 hli no.

Hnub tim 8 lub 8 hli no, nyob thoob Thaib teb muaj cov neeg mob COVID-19,983 leeg thiab tuag 138 leej. Yog ib hnub uas muaj neeg sib kis kab mob coob tshaj. Lub tuam ceeb Bangkok yog lub xeev uas muaj neeg mob coob tshaj li ntawm 3,080 leej, tim 2 mas yog lub xeev Chonburi 1,476 leej, tim 3 yog lub xeev Samudsakhon 1,391 leeg thiab tm 4 yog lub xeev Samudprakan 1,137 leej.

Lub Koom Txoos nyob Thaib teb tau pab cov neeg mob pib txij thaum tus kab mob tshwm sim los. Lub Koom Txoos tau muab cov tsev teev Ntuj rau tseem hwv ua chaw kho mob thiab nkaug tshuaj rau cov neeg mob COVID-19.