Lub Koom Txoos Kav Tos Liv nyob Pas Kis Taas pib tsa cov neeg ntshiab

Lub Koom Txoos Kav Tos Liv nyob Pas Kis Taas pib tsa cov neeg ntshiab

(Catholic Church in Pakistan initiates Akash Bashir’s sainthood process)

Akash Bashir uas nws muaj 20 xyoo, yog thawj tus nce npe ua Leej Ntshiab nyob Pas Kis Taas teb. Vim xyoo 2015, Akash Bashir yog tus tiv thaiv tsis pub tus neeg phem nkag mus chua hoob pob nyob hauv lub tsev teev Ntuj uas muaj neeg nyob coob coob.

Hnub tim 15 lub 3 hlis no, lub Cheeb Koom Txoos Las Hos tau nthuav txog Akash txoj kev ua Leej Ntshiab yam raug cai, yog txwm 7 xyoo uas Akash tuag.

            Zaum ntawd muaj 2 lub tsev teev Ntuj raug tua nyob Youhanabad, hauv lub nroog Las Hos thiab yog hnub phem tshaj nyob hauv xyoo 2015. Lub hoob pob tau tawg nyob hauv ib lub tsev teev Ntuj Plos Tes Taas, ua rau neeg tuag 17 leej thiab raug mob ntau pua leej, yog lub sij hawm cov neeg ntseeg tab tom sib sau teev Ntuj Hnub Chiv. Hos lub hoob pob tim 2 yog tawg nyob hauv lub tsev teev Ntuj Kav Tos Liv Saint John. 

Askash yog ib tug tub kawm qub ntawm Don Bosco Technical Institute, nws ua txoj hauj lwm saib xyuas kev ruaj ntseg. Nws thiaj tau tiv thaiv tsis pub tus neeg phem chua hoob pob nkag mus hauv lub tsev teev Ntuj Saint John, vim nyob hauv lub tsev teev Ntuj muaj cov neeg ntseeg tshaj 1,000 leej. Ces lawv thiaj tsis raug lub hoob pob tuag.