LUB KOOM TXOOS NYOB NPEES LAS DEES TAU TXAIS KEV PAB NTAWM ACN

ACN UK hais tias lawv zoo siab yuav pab txhawb nqa lub Koom Txoos nyob hauv cov teb chaws uas raug kev piam sij los ntawm tus kab mob Covid-19. Ib feem ntawm kev pab no, yog cov Leej Phauj thiab cov Txiv Plig nyob hauv lub Cheeb Koom Txoos Barisal uas nyob Npees Las Des teb yuav tau txais. Vim kev tshaj Ntuj Lus nyob hauv lub Cheeb Koom Txoos Barisal, kuj ua rau coob leej Txiv Plig thiab Leej Phauj muaj mob. 
Txiv Plig Subrato uas nyob hauv lub Cheeb Koom txoos Barisal hais rau ACN tias : yog muaj ACN pab txhawb nqa, mas lawv yeej yuav tiv thaiv tau tus kab mob Covid-19 kom txhob kis rau neeg coob coob. Txoj kev pab no ua rau cov Leej Phauj thiab cov Txiv Plig lub siab ruaj khov coj cov neeg ntseeg nyob hauv txoj kev sib koom tiv tus kab mob Covid-19. Raws li tus Tswv Qhia nyob lub Cheeb Koom Txoos Barisal hais, mas hnub tim 22 lub 7 hli tag los no, nyob Npees Las Dees teb muaj cov neeg mob Covid-19 txhab ntxiv li ntawm 2,744 leeg. Xam tas cov neeg mob Covid-19 nyob Npees Las Des teb yog 213,254 leeg, hos cov tuag yog 2,751 leeg. 
Lub 6 hli dhau los tus Txiv Plig Moses Costa nyob hauv lub Cheeb Koom Txoos Chittagong uas nyob Npees Las Deb toob fab naj tau tag sim neej los ntawm tus kab mob Covid-19 no thiab. Pom tau tias tsoom pej xeem Npees Las Des raug kev kub ntxhov loj kawg los ntawm tus kab mob thiab kev lag luam. Cov neeg ua hauj lwm mus ua hauj lwm tsis tau, ces lawv tsis muaj nyiaj muas noj yug lawv tsev neeg. Cov neeg ua liaj ua teb thiab tej tub lag tub luam puav leej raug teeb meem txhua tus. Cov tsev neeg uas lawv tsis muaj hauj lwm ua, mas lawv raug kev tshaib nqhis loj kawg. 
Hais txog ACN txoj kev pab, mas yog pub txhiam xws noj qho me ntsis rau cov niam tsev ntseeg coj mus faib rau tsoom pej xeem yuav tuag tshaib noj nyob Us Nkas Ntas teb xwb. Tsis tas li ntawd, ACN kuj txhawb nqa cov tub kawm ua Leej Choj nyob hauv lub tsev teev Ntuj Abba Padre uas nyob As Zees Tis Nas teb thiab kho cov tsev teev Ntuj Kav Tos Liv nyob Npes Us, Los Mas Nias teb.