LUB LIS PIAM COV NEEG NTSEEG SIB KOOM NYOB KOS LIM NAJ

Wednesday, February 03, 2021

Cov neeg ntseeg Kav Tos Liv thiab cov ntseeg Plos Tes Taas nyob Kos Lim Naj tab tom muab siab rau saib xyuas thiab txuag txhua yam kom nyob nrog lub ntiaj teb mus li. Kev sib koom tes no yog nyob hauv kev sib sau thov Ntuj thiab sib cog qhia kom ua ib lub cim txog Christian Unity Octave nyob hauv hnub tim 18 – 25 lub 1 hlis no.

Cov lus tshaj tawm no yog lub rooj pwm tsav kev ntseeg thiab Plos Tes Taas cov lus nyob Kos Lim Naj. Muaj lub ntsiab lus tias : “Christian Unity Octave”, xyoo no yog hais txog “tus uas nyob hauv kuv thiab kuv nyob hauv nws, mas nws txi txiv ncw”. Kev sib koom tes zaum no yog tau txais kev txhawb nqa los ntawm cov neeg ntseeg nyob thoob ntiaj thiab thiab cov Txiv Plig nyob Xus Is teb (Switzerland). Tus kab mob Covid-19 tau sib kis loj, ces kev kub ntxhov tau ua rau txhua yam muaj txoj sia nyob thoob ntiaj teb tau txais kev piam sij. Xav txuag Tswv Ntuj txoj cai uas tsim tib neeg, mas tsis tsim nyog tib neeg yuav ua kev kub ntxhov rau txhua yam kom piam sij. Kev piam sij yog lub nra uas tib neeg yuav tau lees thiab sib koom siab los saib xyuas txhim kho kom lub ntiaj teb rov qab ntsuab tuaj.

Tsoom pej xeem Kos Lim Naj tag nrho muaj 51 plhom 800 txhiab leej, raws kev soj ntsuam txheeb mej hwm lub hlis tag los. Raws kev soj ntsuam ntawm Pew Research Center, pom tias tsoom pej xeem Kos Lim Naj 46 feem pua tsis coj kev teev hawm dab tsi li. 29 feem pua yog cov ntseeg thiab 23 feem pua yog cov teev hawm Phus Thas. Xyoo 1900 pom tias txoj kev ntseeg loj hlob nyob Kos Lim Naj qeeb kawg, tsuas yog 1 feem pua xwb. Tab sis xyoo 2010 cov neeg ntseeg yog 29 feem pua lawm. Vim cov tub tshaj Ntuj Lus muab siab rau tshaj Ntuj Lus nyob hauv ntau caum xyoo tag los. Cov neeg ntseeg nyob Kos Lim Naj feem coob kuj yog cov Plos Tes Taas, hos cov Kav Tos Liv yog 11 feem pua. Muab xam tas nrho cov pej xeem Kos Lim Naj, mas cov Kav Tos Liv yog 5 plhom tawm leej.