Lub rooj sab laj cov Tswv Qhia As Xias, Tswv Qhia Bo hais txog lub qhov txhab thiab kev cia siab

Tswv Qhia Bo nyob hauv tuam ceeb Yaas Nkoos, nws yog tus thawj coj ntawm lub rooj sab laj cov Tswv Qhia As Xias. Yog tus thawj coj ntawm lub Cim Yug koom nrog cov tuaj sib koom sab laj nyob hauv lub tuam tsev teev Ntuj Leej Ntshiab Pob Zeb lub lis piam tag los. 

Tswv Qhia Bo hais tias : “Kev mus ua ke hauv peb txoj kev ntseeg nyob As Xias, tsis yog ib qho nyuab.” Tab sis kev sib sau sab laj zaum no, yog txhib kom peb rov qab mus rau hnub tseem ceeb ntawm kev tshaj lub Moo Zoo. Nws hais txog kev cia siab, kev thaj yeeb thiab kev ncaj ncees. Yog zoo li lub txiv ntawm lub rooj sab laj txoj kev mus kev hauv cov neeg As Xias thiab nyob thoob ntiaj teb uas yuav tsum sau. 

Rov pib dua ib zaug ntawm txoj kev uas cov Thwj Tim npaj tseg, lawv tau tseb cov noob tshaj lub Moo Zoo nyob sab hnub tuaj. 

Tswv Qhia Bo tau hais txog kev txom nyem nyob hauv nws lub teb chaws Myanmar, thiab hais txog ntau lub tsev teev Ntuj nyob thoob As Xias teb. 

“Peb txoj kev mus ua ke nyob hauv kev sib tham, yog hais txog kev txuag thiab nrog lub ntiaj teb sib haum xeeb nyob hauv kev ncaj ncees thiab kev thaj yeeb.” 

Tsuas muaj tib txog kev xwb uas yuav pab tau tib neeg thiab pab lub ntiaj teb kom muaj kev cia siab, kev thaj yeeb thiab kev ncaj ncees. Qhov ntawd yog tas ntiaj teb neeg yuav tsum sib koom siab nyob hauv lub rooj sab laj Synod. Qhov uas peb ntxhov siab tshaj, yog lub cuab tam uas peb yuav tseg cia rau txheej neeg tom ntej.

Qhov tseeb tiag, txhua yam ib puag ncig yog los ntawm cov tub ntxhais hluas los, thiab lub cuab tam uas tau txais los ntawm lawv, yog lub ntiaj teb tau nyob thaj yeeb, yog kev txhim kho uas zoo txhij zoo txhua tab tom poob hauv kev kub ntxhov.

Lub ntuj kub tau rhuav tshem tib neeg thiab rhuav tshem tas ib tsoom neeg plhom plhom leej lub neej, yog qhov uas Vaj Qhia Fas Ntshis Kus thov kom cov tub ntxhais hluas muab siab rau xav txog thiab ua kom ncaj ncees.