LUB TSEV KAWM UA TXIV PLIG HAWM LEEJ NIAM TUS CAWM NEEG

Nod yog lub tsev kawm ua Txiv Plig hwm Leej Niam tus cawm seej, nyob hauv lub nroog Nkas Lis Lis. Lub tsev hwm Leej Niam tus cawm seej no, qhib los tau 10 tawm xyoo lawm, kom tau npaj cov tub npaj siab kawm ua Txiv Plig rau yav tom ntej, kom cov Txiv Plig ntawd tau mus tshaj Ntuj Lus nyob As Xias Nrab. Nyob hauv lub tsev kawm no, muaj 34 tug tub hluas tab tom kawm ua Txiv Plig tuaj ntawm 14 lub teb chaws tuaj. Muaj 3 txoj kev teev hawm xws li : Ntsas Lis Las Tees (Jarit Latin), Hes Laas Os Thos Dos (Greek Orthodox) thiab Mas Los Nais (Maronite) kawm nyob ua ke. Tus Txiv Plig Ntsos Xus Es uas nws yog tus saib lub tsev kawm ua Txiv Plig hwm Leej Niam tus cawm seej hais tias : “Lub tsev kawm ua Txiv Plig hwm Leej Niam tus cawm seej nyob ntawm ntug hiav txwv Nkas Lis Lis, yog lub tsev kawm ua Txiv Plig ntawm lub Cheeb Koom Txoos. Yog lub Cheeb Koom Txoos toj siab thiab txaus siab yuav xa cov tub tshaj Ntuj Lus mus thoob ntiaj teb, tab sis lub hom phiaj tseeb tiag yog As Xias Nrab. Vim paub tias nyob hauv xeev ntuj As Xias Nrab, mas muaj coob leej neeg xav tau Txiv Plig los sis cov tub tshaj Ntuj Lus pej kum teb. Thiab peb cov Txiv Plig zoo siab yuav mus ib lub teb chaws rau lwm lub teb chaws mus thoob ntiaj teb.”

Txiv Plig Ntsos Xus Es tau nyob ntawm thaj av ntshiab ntawd los 15 xyoos, nws tau paub txog tias : lub Koom Txoos nyob sab hnub tuaj, lawv tsis vam txog kev pab xws li toob xib thiab lwm yam, tab sis lawv xav tau kev pab ntawm fab ntsuj plig thiab siab ntsws. Vim li ntawd, lub sij hawm lawv raug txom nyem, lawv txoj kev ntseeg thiaj tsis tsuag. Cov ntseeg nyob sab hnub tuaj tseem ceeb heev, vim lawv nyob hauv thaj tsam uas Tswv Ntuj nyob thiab pom xyeem ntawm qhov muag. Peb tab tom nyob saum lub roob Npos Las 8 nqe lus, uas Yes Xus hais tias : “Nej yuav npog lub nroog uas nyob saum ncov roob tsis tau. Cov neeg ntseeg yog qhov pom kev, yog cov ntsev thiab poov xab. Tab txawm lawv yog ib co tsawg tsawg, tsis kav lawv yuav ua qhov chaw pom kev thiab yuav ua choj rau cov neeg As Las thiab cov His Xas Lais, kom lawv tau ua lub neej ntseeg uas nrhau cag nyob hauv txoj kev ntseeg. Qhov no thiaj yog lub hom phiaj ntawm kev cob qhia nruj nruj hais txog ua ib tug neeg ntseeg. Has Vias yog ib tug nyob hauv lub tsev kawm ua Txiv Plig hwm Leej Niam tus cawm seej, nws yog ib tug tub hluas Xyis Pas Yas (Spaine). Lawv nyob hauv lub tsev kawm ntawd, mas lawv yuav kawm kev ntseeg thiab cov His Xas Lais tej kab lis kev cai. Has Vias hais tias : “Peb muaj kev kawm Ntawv Ntshiab Kos Las, kom peb paub txog cov Maiv Xis Lim txoj kev cai. Peb kawm lus Hes Nplaws, kom thaum txog tej lub caij tseem ceeb, mas peb thiaj paub cov ntawv Hes Nplaws zoo. Peb coj lub neej raws li ib co neeg ntseeg As Las, vim lub tsev no yog ib tug choj ntawm haib neeg As Las, Mawv Xis Lim thiab Hes Nplaws. Kuv ntseeg hais tias peb yuav tsum ua tau, vim Huab Tais Yes Xus tuaj yeem hloov kom txhua yam sib haum xeeb thiab sib xyaws tau. Nyob ze lub tsev kawm ua Txiv Plig, mas yog lub tuam tsev “Yim neeg Nkas Lis Lis”. Lub tuam tsev ntawd txhim thiab ua yog pawg neeg coj lub neej mus raws kev ntseeg ua tus txhim. Muaj ib chav rau ntaub ntawv uas tig mus sab ntug hiav txwv Tis Npes Lias. Thiab muaj ntau phau ntawv zoo zoo nyob hauv tiam 15 khaws tseg rau cov qhua uas tuaj mus ncig tsham.” Tus lwm thawj tswj lub tsev “Yim neeg Nkas Lis Lis” hais tias : “Kuv ntseeg tias tsaib no muaj neeg li ntawm 12,000 txog 13,000 tus neeg tuaj ntawm tas ntiaj teb tuaj tsham peb lub tsev no.” Lub tuam tsev no yog ib lub tuam tsev rau ib zeej tsoom neeg tuaj tsim hmoov thiab sib sau siab ua ke. Kuj yog ib qho chaw teem sib ntsib ntawm ntau haiv neeg ntau txoj kev teev hawm. Ib lub tsev qhib qhov rooj lug nyob saum ib lub roob, zoo yam li Huab Tais Yes Xus txoj kev cawm nyob ntawd ntag.

Tus txhais : Lis Maib, Zoo Tswv Zov Yaj