Muaj tshaj 75,000 tus neeg raug khuav los ntawm kev ua luam neeg nyob As Xias.

neeg nyob As Xias.

Xyoo 2022 muaj li ntawm 75,620 tus neeg raug khuav los ntawm kev ua luam neeg 

nyob As Xias. 

Talitha Kum yog lub Koom Hauv teeb tsa nyob hauv xyoo 2009 los ntawm International Union of superiors General (UISG), lub Koom Haum hais tias : 

Raws kev tshaj tawm xyoo kawg uas yog hnub tim 16 lub 6 hli, mas cov neeg raug ntes mus muag muaj li ntawm 9,329 leeg uas raug khuav tau.

Talitha Kum uas yog lub Koom Haum tiv thaiv pab txuag thiab txhib sawv daws txog kev ua luam neeg nyob ntiaj teb, dhau no lawm lub Koom Haum tseem tiv txhua yam kev ua luam neeg thiab muab siab rau khuav kev ua luam neeg. 

Tiv thaiv pab txuag thiab saib xyuas cov neeg raug ntes yog qhov tseem ceeb ntawm cov Koom Haum nyob As Xias, lub Koom Haum no tau txais kev txhawb nqa kev xyaum thiab kev qhia kom paub nyob hauv cov tsev kawm ntawv, hauv cov zej zog thiab tsoom pej xeem. Lub hom phiaj yog hais txog cov poj niam, cov tub ntxhais hluas, cov neeg ntseeg, cov haiv neeg tsawg thiab cov tub zog hla teb chaws. Cov lus no yog Leej Phauj Paula Kwandao tus sawv cev ntawm SPC nyob As Xias ua tus hais. 

Cov tim xyoob nyob hauv cov Koom Haum As Xias tau ua ntau yam hauj lwm los qhia rau cov tub kawm kom paub hais txog kev ua luam neeg. 

Lawv qhia ua ntau yam los txhim kho thiab kev ua si ntawm cov tub ntxhais hluas. Lawv txhawb nqa cov hluas lub cev thiab lub siab ntsws. 

Talitha Kum Asia tau nkag mus txog 95,793 tus neeg nyob hauv 20 lub teb chaws, lawv muaj 2,604 tus neeg nrog cov Leej Phauj Kav Tos Liv, cov Koom Haum txhim kho thiab cov tseem hwv. Lawv muaj 76 pab neeg Kav Tos Liv, cov Koom Haum txhim kho 59 lub thiab cov neeg ua hauj lwm rau tseem hwv 38 pab neeg sib pab ua cov hauj lwm no.

Muaj 210 tus Leej Phauj koom tes nrog kev ua hauj lwm tiv thaiv kev ua luam neeg nyob hauv cov Koom Haum ntiaj teb 18 qhov chaw nyob As Xias. 

Cov Koom Haum saib kev ua luam neeg yog qhov tseem ceeb thiab txhawb nqa hais txog kev pab cov neeg raug nyiag, cov neeg khiav dim kom lawv rov tau mus nyob hauv zej zog thiab txhawb lawv tus kheej lub zog. Ib tug Leej Phauj tau piav txog Vaj Qhia Fas Ntshis Kus cov lus tias : “Txhob dhuav nrhiav kev pauv ntxeev zej zog ntawm peb thiab pab txuag kev piam sij uas txaj muag, xws li kev ua luam neeg”.