NPAJ LUB TSEV HAUV PAUS TSHAJ NTUJ LUS NYOB NYAB LAJ TEB

Lub Cheeb Koom Txoos nyob Nyab Laj qaum teb, vam tias lawv yuav tau npaj ib lub tsev Hauv Paus tshaj Ntuj Lus tshiab rau yav tom ntej. Vim cov tseem hwv tso cai rau lawv lawm, ces lub Cheeb Koom Txoos thiaj npaj siab ua kom kev tshaj Ntuj Lus nthuav dav tuaj. Xyoo no thaum lub 7 hli yuav xaus, Thai Binh Bishop’s House tshaj tawm tias : lub rooj pwm tsav saib xyuas tej kev cai dab qhuas nyob hauv tsev tau tso cai kom lub Cheeb Koom Txoos Tais Npees (Thai Binh) npaj tsim ib lub tsev Haus Paus tshaj Ntuj lus tshiab (Sacred Heart Major Seminary), nyob hauv lub nroog Tais Npees         

Thiab tsa Txiv Plig Ntos Mis Nis Ntaas Vaas Kaus (Fr. Dominic Dang Van Kau) uas nws muaj hnub nyoog 58 xyoo ua tus thawj coj. Kev npaj lub tsev Hauv Paus tshaj Ntuj Lus tshiab raug cai, mas yog raug tseem hwv txoj cai thiab cov tub tshaj Ntuj Lus tuaj yeem mus tshaj Ntuj Lus ywj siab nyob thoob hauv lub teb chaws. Lub tsev Hauv Paus tshaj Ntuj Lus tshiab yuav npaj kom muaj cov tub kawm tshaj Ntuj Lus nyob hauv lub Cheeb Koom Txoos thiab lwm lub Cheeb Koom Txoos. Cov thawj coj nyob Tias Hais (Tian Hai) hais tias : lub rooj tshaj Ntuj Lus yuav npaj tsim kom muaj cov tub tshaj Ntuj Lus tshiab nyob hauv lub Cheeb Koom Txoos. Niaj xyoo txais cov tub ntxhais mus kawm ua tub tshaj Ntuj Lus li ntawm 40 leej, tab sis tsuas muaj 6 leej xwb thiaj tau lus tso cai rau lawv mus kawm nyob hauv lub tsev ntawv txheej siab hwm Leej Ntshiab Yos Xes nyob Has Nais (Hanoi). Dua li 2-3 leeg mas raug xa mus kawm nyob lwm lub tsev kawm.

Tam sim no lub tsev tshaj Ntuj Lus tshiab ntawd tab tom pib txhim tsa, thiab yog ib lub tsev loj uas txais tau 200-300 tus tub kawm. Hnub tim 7 lub 9 hlis tag los, muaj cov tub kawm li ntawm 100 leej tau koom lub thaj txi Ntuj qhib xyoo kawm ntawv nyob hauv Tswv Qhia tsev. Cov tub kawm ntawd lawv yog tuaj ntawm 4 lub Cheeb Koom Txoos nyob Nyab Laj qaum teb tuaj.

Nyob Nyab Laj teb muaj 11 lub rooj tshaj Ntuj Lus los yog 11 lub tsev Hauv Paus tshaj Ntuj lus, muaj cov tub ntxhais kawm ntawv li ntawm 2,824 leej. Tas 2,824 tus tub ntxhais kawm ntawv no yog tuaj ntawm 27 lub Cheeb Koom Txoos tuaj.