Is Ntias : “Ntawv Ntshiab mus txog txhua lub tsev”, ib xyoos faib Ntawv Ntshiab rau 2,500 yim neeg

Hais txog “Ntawv Ntshiab mus txog txhua yim neeg”, uas yog cov Txiv Plig Kav Tos Liv hauv lub Koom Haum Leej Ntshiab Paj Lug. Ib xyoos lawv tau mus faib Ntawv Ntshiab rau 2,500 yim neeg nyob hauv lub Cheeb Koom Txoos Eluru uas nyob hauv lub xeev Andhra Pradesh nyob Is Ntias naj fab.

Qhov kev sib tw no yog tshwm sim los ntawm Alberione tus txhim tsa tsev neeg Pauline, tus uas ib txwm khaws cia ze ze nws lub siab. Ntawv Ntshiab mus txog txhua lub tsev, Ntawv Cog Lus Tshiab rau txhua leej, yog kev npau suav ntawm Alberione uas nws tau npaj tseg cia, tsis hais yuav mus deb npaum cas kuj xij. Nws tau npaj cov tshuab luam ntawv los kom tau luam Ntawv Ntshiab thiab txhua phau Ntawv Cog Lus Tshiab. Txiv Plig Elengikal ntawm lub Koom Haum Leej Ntshiab Paj Lug yog tus hais cov lus no. Alberione hais meej meej tias kev luam ntawv thiab kev faib Ntawv Ntshiab nws tseem dua lwm yam hauj lwm uas Paulines yuav ua nyob qhov twg kuj xij. Thaum xav txog qhov no Subodha Nilayan, Eluru tau qhib cov hauj lwm “Ntawv Ntshiab mus txog txhua lub tsev” hnub tim 26 lub 11 hlis 2022. 

Yog ua hmoov tsuj xeeb cov hauj lwm ntawm Blessed James Alberione, uas muaj lub hom phiaj faib rau 1,500 yim neeg. Thiab muab phau Ntawv Ntshiab ua lus Telugu rau hauv 10 lub tsev teev Ntuj nyob hauv lub Cheeb Koom Txoos Eluru.

Ua cov hauj lwm no tsis txog ib xyoos, ces Ntawv Ntshiab mus txog 13 lub tsev teev Ntuj nyob deb lub Cheeb Koom Txoos. Lawv tau faib Ntawv Ntshiab rau 2,500 yim neeg thiab faib Ntawv Ntshiab xeem lus Telugu rau txhua yim neeg uas yog tus nqi 150 Rupee. Kuj muaj tej yim neeg uas tsim nyog tau txais Ntawv Ntshiab pub dawb.