Ob kwv tij Tswv Qhia nyob Is Ntias teb

Yog ib qho liv xwm ntawm lub Koom Txoos nyob Is Ntias uas ob kwv tij puav leej ua Tswv Qhia. Hnub tim 31 lub 12 hlis 2022 tsaib no, Vaj Qhia tau tsa Txiv Plig Sebastiao Mascarenhas uas muaj 63 xyoos ua Tswv Qhia nyob Baroda, hauv lub xeev Gujarat uas nyob Is Ntias sab hnub poob. 
8 xyoo dhau los Txiv Plig Theodore Mascarenhas uas yog nws tus kwv muaj 62 xyoos, kuj tau txais lub Cim Tiag Tes ua Tswv Qhia nyob hauv lub Cheeb Koom Txoos Ranchi, hauv lub xeev Jharkhand uas nyob Is Ntias sab hnub tuaj. 
Thawj ob tug kwv tij uas tau ua Tswv Qhia yog cov Yes Xus Is, nws lub npe tiag hu ua 
Txiv Plig Alphonsus D’Souza ntawm lub Cheeb Koom Txoos Raiganj, nyob hauv lub xeev Npees Nkos, nyob Is Ntias sab hnub poob. Thiab nws tus kwv hu ua Albert D’Souza uas yav tag los tau ua Tswv Qhia nyob Agra, hauv lub xeev Uttar Pradesh.
“Kuv yuav txais txoj hauj lwm tshiab, ua cov hauj lwm tshiab thaum sij hawm los txog”. 
Ob kwv tij zwm rau lub Koom Haum Society of Missionaries of St. Francis Xavier, sawv daws paub zoo nyob hauv lub npe Pillar Fathers. Yog cov Tswv Qhia nyob hauv lub nroog Goa, nyob Is Ntias teb sab hnub poob.   
Txiv Plig Sebastiao hais tias nws zoo siab txais txoj hauj lwm tshiab thiab nws npaj siab yuav pib cov hauj lwm me me uas pib ntawm kev sau tuaj. 
10 xyoo uas nws nyob Vas Tis Kas, Tswv Qhia Theodore ua hauj lwm zwm rau 3 tug Vaj Qhia, nws yog tus thawj ntawm fab kab lis kev cai nyob As Xias, As Fiv Kas thiab Os Tses Nias. Nkawd hais tias nkawd lub neej ua Txiv Plig yog los ntawm Maria Barreto uas yog nkawd niam. Nkawd niam thiab txiv tau qhia nkawd nyob hauv txoj kev ntseeg nruj nruj thiab fab ntsuj plig nyob hauv lawv tsev neeg thiab nyob ib puag ncig.