Serra lub rooj sab laj ntawm cov teb chaws zaum tim 80 uas tsa nyob hauv Thaib teb

Serra lub rooj sab laj ntawm cov teb chaws zaum tim 80 uas tsa nyob hauv Thaib teb.

International of Serra zaum tim 80, yog lub Koom Haum ntawm cov neeg ntseeg Kav Tos Liv uas tsa nyob hauv lub nroog Chiangmai, txij hnub tim 22 txog 25 lub 6 hli no. Cov neeg tuaj siab koom sab laj txog lub ntsiab lus tuaj saib, xav txog lub suab hu hauv lub Koom Txoos thiab muab cov lus taw qhia los txhab ntxiv nyob hauv lub suab hu. Muaj tshaj 450 tus kws tshaj lij Catholic animators, cov Txiv Plig thiab Leej Phauj uas lawv muaj kev ntseeg zoo thiab cov neeg ntseeg tuaj ntawm txhua lub teb chaws tuaj sib sau ua ke.

Serra cov tim xyoo yog cov txiv neej thiab poj niam Catholic laymen uas teb rau lub hu los txhim kho thiab txhawb nqa lub suab hu nyob hauv txoj kev ua hauj lwm, thiab lub neej uas muab los ua hauj lwm pub rau Tswv Ntuj nyob hauv lub Koom Txoos Kav Tos Liv. Lawv ua hauj lwm kom ntseeg tau tias yav tom ntej lub Koom Txoos yuav ua hauj lwm nyob hauv tej kab lis kev cai. 

Tswv Qhia Liab Bo uas nws yog tus thawj tswj lub Koom Haum Tswv Qhia As Xias (FABC) hais txog lub Koom Txoos cov hauj lwm. 

Nws hais tias : “Nyob hauv ntau caum xyoo thiab xyoo tas los, lub suab hu tau muaj txhab ntxiv nyob As Xias, tab sis los rau xyoo tshiab ces txhua yam pib hloov lawm.”

Marc Armand Ouellet tus Txiv Plig laus ntawm Dicastery for Bishops hais txog lub tswv yim sib koom hauv lub suab hu, nws yog txoj kev tshiab ntawm kev tshaj lub Moo Zoo thiab lub zog ruaj khov nyob hauv cov hauj lwm. 

Tswv Qhia Liab Xavier Kriengsak tus coj lub thaj txi Ntuj thiab tom qab txais lub Cim Yug tag, nws nthuav tias : ua kom cov Kav Tos Liv txawj txhawb nqa tej hauj lwm, lawv yuav tsum ua lawv lub siab kom kaj lug thiab muab siab rau mloog txog lawv tej kev nyuab, kev raug sim, kev xav tau, kev zoo siab hom khaj thiab kev tsuj xeeb mus txog kev nrog lwm tus sib faib. 

Serra International yog tib lub Koom Haum uas ib txwm txuas nrog lub Koom Haum loj ntawm Tswv Qhia cov hauj lwm, yog txoj hauj lwm uas muaj rau cov Txiv Plig thiab cov Leej Phauj kom tau txhawb nqa lub suab hu, nws yog lub zog ntawm lub Koom Txoos Kav Tos Liv. 

Txij thaum muaj kev teeb tsa nyob Seatle hauv xyoo 1935, Serra muaj cov Koom Haum li ntawm 1,100 lub nyob hauv 46 lub teb chaws nyob thoob ntiaj teb. 

Hnub no muaj li ntawm 20,000 tus neeg txhawb nqa lub suab hu ntawm cov neeg ntseeg nyob thoob ntiaj teb uas yog Serra ua tus tshaj lub Moo Zoo.