Stella Maris yog qhov chaw tshaj lub Moo Zoo rau cov neeg ntes ntses Fis Lis Pees thiab lawv cov tsev neeg

Tas lub Koom Txoos nyob thoob ntiaj teb ua hmoov tsuj xeeb Hnub Chiv ntawm dej hiav txwv, nyob hauv hnub tim 9 lub 7 hli no. 

Leej Phauj Victoria ntawm Yes Xus tus Zoo Tswv Zov Yaj cov Leej Phauj tau piav hais tias : “Lub tsev Stella Maris tau pab cov neeg tsav nkoj thiab cov neeg khuam nyob hauv nkoj ntau lub hlis. Cov tub lag luam thiab cov tsav nkoj ntes ntses 1 plhom 600 txhiab leej nyob thoob ntiaj teb, muaj 400 txhiab leej yog neeg Fis Lis Pees.  

Tus neeg nyob hauv hiav txwv, vim nws cov hauj lwm. Nws mus nyob nrug deb ntawm cov neeg nws nyiam thiab hlub tshua ntau lub hlis, tej zaum kuj nyob txog xyoo. Qhov tseem ceeb tshaj yog txhawb nqa kom lawv txawj ncaj ncees rau lawv, txawj sib pab thaum nyob deb thiab ua lub siab ruaj khov rau Tswv Ntuj nyob hauv kev thov Ntuj”. 

Leej Phauj Victoria ua hauj lwm 12 xyoos nyob hauv Fis Lis Pees lub tuam ceeb thiab ntseeg tias : “Kev thov Ntuj yuav pab kom sawv daws txawj sib koom ua ib tug thiab nyob ze cov neeg nyob ntawm ntug hiav txwv. Peb kuj npaj kom muaj kev sib tham nrog cov nyob nrug ntawm ntug dej hiav txwv thiab. Ua cov hauj lwm ntawm fab ntsuj plig thiab kev pab luag tej, tsim kom muaj zej zog nyob ntawm ntug dej hiav txwv”.

Muaj cov tub zog tshaj 1 phom leej nyob rawv hauv cov nkoj khiav hauv hiav txwv uas xa khoom mus thoob ntiaj teb. Yam teeb meem loj tshaj uas cov neeg tsav nkoj thiab cov ntes ntses tau ntsib, yog kev kho siab uas lawv tau ncaim lawv tsev neeg thiab tus neeg lawv hlub mus ntev. Tsis tas li ntawd, lawv tseem ntxhov siab txog tsev neeg kom lawv xa nyiaj mus rau tsev neeg. Tej tug raug ntiab tawm, vim lawv lub cev noj tsis qab nyob tsis zoo los sis raug mob. Kev hla txoj cai hauv hiav txwv thiab kev txwv tsis pub tawm tim ntug nqhuab.  

Tab txawm muaj kev nyuaj siab tas nrho, tsis kav tseem muaj 1 plhom 600 txhiab tus neeg tsav nkoj nyob thoob ntiaj teb. Nyob hauv cov neeg tsav nkoj no muaj 400 txhiab leej yog neeg Fis Lis Pees uas niaj xyoo lawv xa nyiaj rau lawv tsev neeg li ntawm ntau txhiab plhom zaus. Leej Phauj Victoria lub tsev, tseem npaj kom muaj kev sib tham rau cov neeg tsav nkoj. Kom lawv tau npaj lawv lub neej nyob hauv cov nkoj khiav hauv hiav txwv. Ua kom paub txoj cai thiab zam lawv kom dim ntawm tej kev raug mos deev, kev txais neeg ua hauj lwm txhaum cai thiab kev ua luam neeg. 

Nod yog Leej Phauj cov lus hais.