Tampa cov tsev me me rau cov neeg tsis muaj tsev nyob, tej zaum yuav muaj kev cia siab rau yav tom ntej

Cov uas lawv nyob hauv tej lub tsev ntaub tsev tsam phooj me me, mas yog lawv muaj lub hom phiaj xav pab cov neeg tsis muaj vaj tse ntau pua leej nyob Tampa Saint Petersburg, nyob As Mes Lis Kas teb. Txoj hauj lwm no yog pib chiv los ntawm Kav Tos Liv txoj kev pab nyob hauv lub nroog Tampa.

Cov neeg tsis muaj vaj tse, tsis yog cov neeg txaus ntshai. Lawv tsuas yog cov neeg poob nyob hauv lub caij tsis zoo. Qee tus vaj tse nyuam qhuav poob, lawv tsis muaj hauj lwm ua thiab cov tsev tsim toob xib kuj raug kaw tas. Muaj qee leej yog tuaj txawv xeev tuaj, cov neeg coob coob nyob xeev Florida xav tias lawv lub neej yuav zoo dua qub, tab sis qhov tiag kuj zoo tsis taus.

Hnub tim 13 lub 12 hlis tsaib no, lub Koom Haum Kav Tos Liv tau qhib Tampa Hope pab cov neeg tsis muaj vaj tse kom lawv tau nyob hauv cov tsev ntaub tsev tsam phooj uas hu ua “Hope Cottages”. Cov tsev no ua nyob hauv 50 lub tshav puam dav uas yog tsev thiab tsev tsam phooj.

Cov tsev tsam phooj no tsis yog tej lub tsev me uas yuav nyob mus li, tsuas yog cia rau lawv nyob ib ntus kom dhau mus xwb.