Thaib teb rov lees txais 3 lub tsev teev Ntuj Kav Tos Liv, tom qab tos los tau 93 xyoos

Thaib teb rov lees txais 3 lub tsev teev Ntuj Kav Tos Liv, tom qab tos los tau 93 xyoos

(Thailand recognizes Catholic churches after 93-year wait) -UCAN photo-

Tseem hwv Thaib lees txais 3 lub tsev teev Ntuj ntxiv, tom qab tos los tau 93 xyoos. Vim yog xav txhawb nqa kev sib koom tes nyob hauv kev teev hawm ntawm ib lub teb chaws uas tsoom pej xeem feem coob yog teev hawm Phus Thas. 
Hnub tim 23 lub 8 hli xyoo no, cov pwm tsav fab kev teev hawm tau tso lus kheev rau 9 thaj tsam thiab 3 lub tsev teev Ntuj thiab 6 lub tsev teev hawm Phus Thas teev hawm tau ywj siab. Qhov no tus pwm tsav Thaib hais tias : yog ua raws kev sib haum xeeb ntawm cov kev teev hawm nyob Thaib teb.
Qhov uas tso cai rau cov kev teev hawm muaj cai ua tau ntau yam, kom tau txhawb nqa kev kawm thiab txhawb nqa kev ncaj ncees raws lub hom phiaj ntawm cov kev teev hawm.  
3 lub tsev teev Ntuj uas cov pwm tsav Thaib lees txais yog : lub tsev teev Ntuj hwm Leej Ntshiab Tos Mas nyob Bangkok, lub tsev teev Ntuj hwm Leej Ntshiab Mos Nis Kas nyob hauv lub xeev Nan thiab lub tsev teev Ntuj hwm Leej Ntshiab Yos Xes nyob lub xeev Phrae. Ib txwm los, Thaib teb tau lees txais 57 lub tsev teev Ntuj los txog xyoo 1929. Txij ntawd los txog tam sim no cov tseem hwv Thaib mam rov lees txais dua 3 lub tsev teev Ntuj ua 60 lub nyob Thaib teb.