THAWJ LUB TSEV TEEV NTUJ NYOB KAS NTXAS TAAS

Tus Tswv Qhia As Ntes Lis Os Ntes Os Los uas nyob Kas Las Nyas Ntas (Karaganda), nws nyuam qhuav tau txais ib tsab ntawv tuaj ntawm Vas Tis kas tuaj qhuas tias : lub tsev teev Ntuj hwm Leej Ntshiab Yos Xes uas nyob hauv lub nroog Kas Las Nyas Ntas, yog thawj lub tsev teev Ntuj loj nyob As Xias nrab. Yog lub tsev teev Ntuj uas nws muaj nws qhov zoo zoo, vim yog thawj lub tsev teev Ntuj uas tau nce npe raug tseem hwv txoj cai nyob Kas Ntxas Taas teb, hnub tim 29 lub 6 hli xyoo 1977. Thov ua tsaug rau ib tsoom neeg ntseeg sawv daws.     

Hnub tim 28 lub 1 hlis xyoo 1977, tsoom neeg ntseeg nyob hauv lub zos raug nce npe ua ib lub zos Los Mas Kav Tos Liv nyob hauv lub nroog Kas Las Nyas Ntas. Hnub tim 19 lub 3 hlis xyoo 1977, thiaj tau ua thawj lub thaj txi Ntuj hwm Leej Ntshiab Yos Xes yam raug cai.

Cov Txiv Plig ua lub Cim Daws Txhaum thiab ua lub Cim Cog Lus yam ntsiag ntsiag. Cov neeg tuaj qhov txhia chaw tuaj, kom lawv tau txais cov Cim Ntshiab. Tseem muaj tej tus poj niam uas yav tag los nws raug quab yuam tsis zoo, muaj feem cuam txog kev qhia kev ntseeg rau cov me nyuam yaus, rau cov laus thiab cov tub ntxhais uas lawv npaj txais lub Cim Yug thawj zaug.