THAWJ PWM TSAV THAIB TEB LEES TXAIS COV TSEV TEEV NTUJ NYOB HAUV ZEJ ZOG

Hnub tim 2 lub 6 hlis dhau los no, cov tseem hwv Thaib muaj txoj cai tshiab kom tus Thawj Pwm Tsav Prayut xaiv tsa ib pab neeg los lees txais cov tsev teev Ntuj Kav Tos Liv kom raug cai.

Zim txwv no nyob Thaib teb cov neeg ntseeg Kav Tos Liv muaj ze ntawm 400,000 leej nyob hauv tas tsoom pej xeem Thaib 70 plhom leej. Muaj cov Cheeb Koom Txoos tsis pes tsawg lub uas cov tseem hwv Thaib lees paub xwb. Cov tsev teev Ntuj tshiab tsim nyog yuav tsum muaj Txiv Plig nyob thiab cov neeg ntseeg yam tsawg 200 leej, mas thiaj muaj cai cev ntawv thov kom cov tseem hwv Thaib lees paub yam raug cai.

Nyob rau lub caij no uas muaj tus kab mob COVID-19 sib kis, mas qee lub Cheeb Koom Txoos ncua tsis muaj kev teev Ntuj thiab cov Txiv Plig cov neeg ntseeg nyob hauv zej zog kuj ncua qee yam tsis ua.

Niaj xyoo tseem hwv lub rooj pwm tsav fab kev teev hawm tau soj ntsuam thiab teev npe cov tsev teev Ntuj thiab chaw nyob nrog rau cov Txiv Plig. Raws tseem hwv txoj cai, mas lub Cheeb Koom Txoos yuav tau tos 2 xyoo, mas thiaj mam tau txais tseem hwv lo lus kheev hais txog cov tsev teev Ntuj uas tsis tau nce npe rau tseem hwv.