Tom qab kev sib tham kev ntseeg ntawm As Xias thiab cov kev teev hawm, yog cov cheem tsum nyob hauv cov zos uas muaj kev vam meej raws txheej tshiab

Dr. Jeff txoj kev txawj ntse uas tau los ntawm txheej siab, uas nyuam qhuav tau txais kev txuag pov hwm ntawm lub tsev ntawv txheej siab De La Salle tsis ntev no, tau xav txog kev sib tham ntawm pej xeem thiab kev teev hawm nyob As Xias. Tab txawm tias lub Koom Txoos Kav Tos Liv txhawb nqa kom muaj kev sib tham nrog lwm cov kev teev hawm txij Vas Tis Kas Ob los, tab sis hais txog kev ua hauj lwm ntawm lub Koom Txoos Kav Tos Liv nrog lwm cov kev teev hawm sib tham muaj tsawg kawg. 

Corpuz ua tus hais cov lus no.

Tab txawm cov kws txuj kev teev hawm neeg As Xias feem coob yuav muab siab rau txog kev sib tham ntawm cov kev teev hawm, tab sis tsis muaj ib qho tseeb txog kev sib tham ntawm cov kev teev hawm hauv fab Tswv Ntuj thiab neeg. 

Kev sib tham ntawm Post-colonial hauv cov kev teev hawm nyuab rau cov thawj coj kev teev hawm, hais txog tej zej zog kom tau kev sib tham ntau ntxiv thiab muaj feem cuam sib koom tes. Teeb meem ntawm kev ua tus sawv cev pab pawg hauv cov haiv neeg tsawg yuav tsum xyuam xim txog kev teev hawm, txog tej pab neeg thiab kab lis kev cai. 

Corpuz yog tus pab tus thawj xib hwb nyob De La Salle Unitersity nyob Mas Nis Las, yog lub tsev kawm txheej siab ntawm Kav Tos Liv, uas yog lub Koom Haum cov Leej Tij ntawm cov tsev kawm ntawv neeg ntseeg, muaj lub npe hu ua “Postcolonial-kev sib tham hauv kev teev hawm : ib qho kev kawm ntawm Silsilah Dialogue Movement".

Tom qab uas pom kev sib txeeb sib tawg ntawm cov Mawv Xis Lim thiab cov ntseeg nyob Mindanao, nyob Fis Lis Pees qab teb. Txiv Plig D'Ambra uas nws yog neeg Is Tas Lias, yog ib tug tim xyoob ntawm PIME (Cov hauj lwm ntawm lub rooj Tswv Qhia txawv teb chaws). Hnub tim 9 lub 5 hlis xyoo 1984, nws tau txhim tsa Silsilah Dialogue Movement nyob hauv lub nroog Zamboanga. 

Kom tau koom nrog cov Mawv Xis Lim thiab cov neeg ntseeg qee leej ntawm nws nyob hauv “Silsilan” ua lus Arabic txhais tias “saw hlau” los yog “sib txuas”.

Qhov tseem ceeb ntawm kev sib tham hauv As Xias ua kom pom tej yam no, xws li thawj yam yog ntau txoj kev xav ntau lub tswv yim nyob hauv tej pab neeg. 

Yam ob, kev cog thiab kev tsim. 

Yam peb, kev sib koom tes yog lub hom phiaj. Thiab qhov kawg, yog kev daws tso. Pub kev ncaj ncees rau txhua yam nyob hauv kev teev hawm uas yog lwm tus txoj kev xaiv.