TSEEM HWV TXWV TSIS PUB TSWV QHIA HAUV CHEEB KOOM TXOOS HAJ NAIJ UA THAJ TXI NTUJ

TSEEM HWV TXWV TSIS PUB TSWV QHIA HAUV CHEEB KOOM TXOOS HAJ NAIJ UA THAJ TXI NTUJ (Asianews photo)

Nyob hauv Haj Naij mas Tswv Qhia Yos Xes Vwj Vam Thias tau ua tswv cuab ua Thaj Txi Ntuj nyob hauv Hnub Chiv, ces tseem hwv tuaj txwv tsis pub nws ua ntxiv.

Yam xwm no tshwm sim nyob hauv lub tsev teev Ntuj hauv Vwj Npas, xeev Haum Npis.

Tswv Qhia Vwj Vam Thias ua tswv cuab coj sawv daws ua Thaj Txi Ntuj thaum lub sij hawm 10 teev sawv ntxov hauv hnub ua hmoov nco txog Hnub Tshaj Ntuj Lus, ces txawm muaj ib pab tub ceev xwm tuaj hais kom Tswv Qhia tsum kiag txhob ua Thaj Txi Ntuj ntxiv mus.

Cov neeg ntseeg sawv daws sib pab thaiv Tswv Qhia kom cov tub ceev xwm nkag los txhob txog Tswv Qhia thiab lawv sib pab thawb cov tub ceev xwm kom tawm mus.

Tom qab cov tub ceev xwm tawm mus lawm, Tswv Qhia thiaj mam coj sawv daws ua Thaj Txi Ntuj ntxiv kawm xaus.