TSEV TEEV NTUJ NYOB THAIB TEB NCUA KEV SIB SAU TEEV NTUJ

Tswv Qhia Phiboon hauv lub Cheeb Koom Txoos Nakhonsavan hais tias lub Koom Txoos Kav Tos Liv tau muab siab rau pab cov tseem hwv tiv thaiv tus kab mob Covid-19. Yam li tsis kawm kev ntseeg, tsis sib sau sab laj ua ke thiab ua thaj txi Ntuj Online. Txij lub Caij Hla tsaib no los, mas lub Koom Txoos Kav Tos Liv nyob Thaib teb tau tso ntau yam hauj lwm nyob hauv tsev teev Ntuj tseg, vim muaj tus kab mob Covid-19 sib kis. Tam sim no Thaib teb muaj cov neeg mob Covid-19 yog 72,788 leej thiab tuag lawm 303 leeg, suav txij tsaib no los txog tam sim no. 
Txiv Plig Domenico uas nyob hauv lub Koom Haum OMI hais tias kev ua thaj txi Ntuj Online yog ib qho zoo thiab, tab sis feem ntau cov neeg ntseeg tsis tau txais txiaj ntsim dab tsi los ntawm thaj txi Ntuj Online. 
Thaib teb tiv thaiv tus kab mob Covid-19 txij thaum pib los lawm, yam li zov thiab kaw ciam teb. Tab sis kev sib kis kab mob zaum 3 yog qhov kub ntxhov dua, tus kab mob pib kis heev txij lub 4 hlis los thiab yog tus kab mob sib kis sai heev. Thaib teb twb nkaug tshuaj Vaccine tiv thaiv rau tsoom pej xeem li ntawm 1 plhom tawm leej lawm, cov neeg tau txais Vaccine feem coob yog cov kws kho mob. Kuj muaj tej tus swb tshuaj Vaccine thiab yog hom Vaccine Sinovac thiab AstraZeneca uas tuaj ntawm Suav teb tuaj. Hais txog kev nkaug tshuaj Vaccine rau tsoom pej xeem Thaib, mas yuav pib nyob hauv lub 6 hli no. Cov Vaccine uas yuav nkaug rau tsoom pej xeem, mas yog hom Vaccine AstraZeneca uas tsim nyob Thaib teb. 70 feem pua uas yog cov neeg laus ntawm tas tsoom pej xeem Thaib muaj 66 plhom leej, yuav tau txais Vaccine tiv thaiv.