Tsev teev Ntuj, yog lub tsev teev Ntuj tau txais Tswv Ntuj txoj hauj lwm kom tshaj Ntuj Lus.

lwm kom tshaj Ntuj Lus.

Hnub 3 thiab hnub kawg ntawm kev sab laj lub rooj Tswv Qhia As Xias, Tswv Qhia Hollerich S.J ntawm Luxembourg thiab cov sawv cev ntawm lub rooj sab laj zaum tim 16 hais ib co lus rau cov sawv cev txog kev pauv ntxeev ntawm lub Koom Txoos.

Tswv Qhia Hollerich hais tias : cov sawv cev txhua tus zoo ib yam li cov suab paj nruag thiab tsim nyog yuav ua lawv txoj hauj lwm sib xyaw suab nrog lwm tus sib txuas zus kom haum cov suab Symphony. 

Yam ob, Tswv Qhia hais ntxiv tias Synodality xav kom hais lus mos lus muag thiab ua neeg me. Tsuas muaj kev hais lus mos lus muag thiab ua neeg me xwb uas yuav ua kom peb ua hauj lwm thiab mus ua ke tau nyob hauv txoj kev no. 

Qhov kawg no, Tswv Qhia Hollerich txhib tias txoj cai hauv lub Koom Txoos yog lub Koom Txoos uas tau txais Tswv Ntuj txoj hauj lwm los tshaj Ntuj Lus thiab ua hauj lwm rau Tswv Ntuj cov neeg uas tsis saib nws tus kheej loj dua.

Yav hnub qaij tus sawv cev tau hais tej yam ua piv txwv txog ob nqe lus nug : cov Txiv Plig tsim nyog yuav hloov los yog txhim kho tus yam ntxwv kom haum lub pwm tsav hauv lub Koom Txoos As Xias. Thiab qhov uas cov sawv cev xav pom yog kom tshwm sim rau lub caij sab laj hauv lub 10 hli xyoo 2023 no thiab nyob hauv txoj cai Synodility lub 10 hli xyoo 2024.   

Cov lus kawg Tswv Qhia Grech uas yog lwm thawj tswj ntawm txoj cai cov Tswv Qhia hais lus yam ruaj kho rau cov sawv cev tias : kev mus kev nyob hauv txoj cai ntawm lawv yuav tsum tiav thiab lub Koom Txoos yuav tsis hnov qab txog kev pub toob xib ntawm lawv. Tswv Qhia Kikuchi uas yog tus thawj ntawm txoj cai cov Tswv Qhia tawm suab txog kev ua tsaug zaum kawg, nws ua tsaug rau txhua tus uas muaj feem cuam koom tes ua rau lub rooj sab laj cov Tswv Qhia As Xias cov hauj lwm tiav.   

Tswv Qhia BO xaus rau lub Cim Yug thiab txhais tias kev mus kev ntawm cov Txiv Plig, cov Tswv Qhia zoo yam li Yes Xus txoj kev mus kev hauv teb chaws suab puam. Yog tej yam txaus ntshai tab sis ua rau lub Koom Txoos tuaj yeem ua tim khawv txog Ntawv Ntshiab zoo tuaj nyob hauv cov neeg mloog, cov neeg tim ntsej tim muag thiab txawj cais qhov phem qhov zoo. Tswv Qhia BO hais tias : tsim nyog yuav hloov sawv daws lub tswv yim thiab kev xav nyob hauv tej yam teeb meem uas sawv daws tau ntsib.