TSHAJ NTAWV NTSHIAB NYOB HAUV YOUTUBE

Txiv Plig Yos Xes Ferry Susanto qhib ib chav Youtube thiab nws muab cov lus nyob hauv Ntawv Ntshiab coj mus tso tawm nthuav dav rau ib zeej tsoom neeg saib. Yog lub sij hawm thaum cov Txiv Plig nyob hauv lub Cheeb Koom Txoos Ntsas Kas Tas sib sau lub 2 hlis xyoo 2019. Txiv Plig tau ntsib ib tug tub kawm uas nws qhia txog kev tso Video nyob hauv Online, ces thiaj ua rau Txiv Plig Yos Xes uas nws txais lub Cim Tiag Tes xyoo 2006 tau muab cov Ntawv Ntshiab coj los tso tawm nyob hauv Youtube kom nthuav dav tuaj. 

Tam sim no muaj ntau txhiab leej nkag mus saib cov Ntawv Ntshiab ntawd, thiab muaj cov neeg raws Txiv Plig Yos Xes li ntawm 130,000 leej. Ces Txiv Plig Yos Xes tau txais qhov paj tshab Silver Button ntawm Youtube uas muaj neeg raws nws coob tshaj 100,000 leej.

Txig Plig Yes Xes hais tias : siv sij hawm 3 feeb xwb, nws tus tub kawm twb qhib tau chav Youtube rau nws lawm, thiab kom nws tis lub npe nyob hauv Youtube ces nws tuaj yeem tshaj lub Moo Zoo nyob hauv Youtube tau ywj siab. Qhov kawg Txiv Plig Yos Xes thiaj tis lub npe rau nws chav Youtube hu ua “Bible Learning with Father Joseph”. Txij thaum Txiv Plig Yos Xes mus kawm nyob pej kum teb rov los txog, mas nws thiaj pib ua nws thawj ntu xyam (Video), muaj lub npe tias : “5 yam ruaj khov ntawm Leej Niam raws ntawv Moo Zoo” (Lima Kekuatan Emak-Emak Dalam Kitab Sud)

Txiv Plig Yos Xes hais tias nws ua tau tsis zoo pes tsawg, vim nws tsis muaj cov tshuab zoo pab nws. Nws thawj qhov xyam (Video), kuj raug coob leej thuam tias ua tau tsis zoo, tab sis kuj yog nws txoj kev muab siab rau ua. Lub sij hawm dhau mus ntev zuj zus, Txiv Plig Yos Xes cov xyam kuj ua tau zoo zuj zus thiab cov nyiaj nws tau los nws kuj muab yuav cov tshuab tshiab pab nws. Ces qhov kawg Txiv Plig poob siab, vim nws chav Youtube muaj neeg raws qab ntau txhiab leej nyob hauv ob peb lub lis piam xwb.

Txiv Plig Yos Xes yog tus thawj tswj lub rooj Ntawv Ntshiab nyob hauv lub Cheeb Koom Txoos thiab nws tau 300 qhov xyam. Txhua txhua qhov xyam tsuas yog ntev li 10 feeb xwb. Tam sim no thiaj ua rau Txiv Plig chav Youtube muaj neeg raws qab txog 100 tawm txhiab leej. Cov nyiaj uas nws tau, mas yuav coj mus pab cov neeg txom nyem nyob hauv tsev kho mob, pab yuav txhiam xws noj rau cov neeg pluag thiab pab sawv daws ua lub neej mus raws Kav Tos Liv.