Tshooj Youtube Plos Tes Taas uas neeg nyiam tshaj ceeb toom tias nws txiav txim siab hloov los txais kev ntseeg Kav Tos Liv nyob As Mes Lis Kas teb

Bertuzzi uas yog tus tswv ntawm Youtube Plos Tes Taas uas neeg nyiam tshaj hais tawm nyob hauv Online hais tias nws txiav txim siab hloov los txais kev ntseeg Kav Tos Liv lawm.

Tshaj hnub tim 20 lub 9 hlis tag los, nws hais tias “Kuv txiav txim siab ua ib tug Kav Tos Liv, tam sim no kuv nyob hauv qhov Program RCIA, thiab yuav tau txais kev zeem tseeb nyob hauv lub Caij Hla uas los yuav txog tom ntej no”.

Bertuzzi hais cov lus tawm nyob hauv Youtube.

Bertuzzi tshooj Youtube uas yog Capturing Christianity muaj 150,000 tus neeg raws qab nws yuav tham txog kev hloov  siab ntawm nws nyob hauv lwm tshooj Youtube uas tsis yog nws tshooj.

Bertuzzi nug Txiv Plig Robert Barron uas nyob hauv lub Cheeb Koom Txoos Winona-Rochester tias “Nws puas tsim nyog ua ib tug neeg Kav Tos Liv?”

Cov lus no nws tshaj tawm nyob hauv nws tshooj Youtube hnub tim 25 lub 9 hlis 2022.

Bertuzzi tau ua Tswv Cuab rau cov neeg ntseeg thiab cov Kav Tos Liv uas nto npe ntau zaus nyob hauv nws tshooj Youtube, nyob hauv cov hais no muaj neeg thov txim ntawm cov neeg ntseeg Kav Tos Liv coob kawg, yam li Trent Horn thiab Jimmy Akin ntawm Catholic Cover Evangelist, Tswv Qhia Robert Barron nyob hauv lub Cheeb Koom Txoos Winona-Rochester, Txiv Plig Lampert tus ntiab dab ntawm lub Cheeb Koom Txoos Indianapolis.

Barron thiab Lampert cov xyam muaj neeg nias tes coob kawg txog pua txhiab leej ua ntu zus.