TSIM TEJ YAM NTSUAB XIAB NYOB IS NTIAS TEB

Friday, March 26, 2021

Cov neeg ntseeg Kav Tos Liv nyob Is Ntias teb txij xyoo 1906 los, lawv tau tsim cov hluav taws xob siv tshav ntuj 45 kis los vav (kw) thiab rhawv zeb rau dej nag. Qhov no yog ib txoj kev yuav ua kom txhua yam rov ntsuab tuaj raws li cov tsev kawm ntawv Salesians lub hom phiaj xyoo 2032. Kev tsim hluav taws xob duab tshav ntuj tau txais kev txhawb nqa los ntawm Jugend Eine Welt nyob Aus Rias teb koom nrog Don Bosco Network.

Tseem hwv Is Ntias muab cov Salesians ntawm Don Bosco ua tus thawj qhia txog kev kawm Techniqe uas tsis yog zwm rau tseem hwv, yog qhov chaw loj tshaj nyob hauv lub teb chaws. Tam sim no cov Salesians pib ua hauj lwm nyob hauv lub tsev qhia ntawv txheej siab Don Bosco nyob Is Ntias teb. Tseem muaj 28 lub tsev qhia ntawv txheej siab nrog rau ntau lub tsev kawm ntawv tsis hais siab qis tshaj 100 lub pib xyaum cov hauj lwm no. Qhov no yog ib feem hauj lwm ntawm Salesians uas ua raws li Vaj Qhia Fas Ntshis Kus lub hom phiaj uas yog cov lus nws sau nyob hauv “Laudato Si”, kom sawv daws sib koom saib xyuas vaj tsev.

Add new comment

3 + 12 =

Quick Links