TSWV QHIA BO HAIS TXOG TEJ YAM TSEEM CEEB NYOB AS XIAS.

Tswv Qhia Bo uas nws yog tus thawj tswj ntawm Federation Of Asian Bishopes Conferences (FABC), sau ib co lus rau nws tus thawj coj hais txog Vaj Qhia cov lus “Fratelli Tutti” uas hais txog As Xias teb tam sim no thiab yav tom ntej.

Tswv Qhia Bo hais tias : cov neeg ntseeg Kav Tos Liv nyob As Xias teb yuav tsum sib pab tsim hom tshuaj khuv leej neeg, sib koom siab thiab kev ncaj ncees. Ua raws li Vaj qhia lub hom phiaj Fratelli Tutti, hauv sob lus hais txog kev ua kwv tij phooj ywg thiab sib fim nyob hauv tej pab neeg.

Tswv Qhia Bo hais tias : tam sim no ntau lub teb chaws As Xias cov thawj coj tab tom thim rov qab mus rau fab kev lag luam, ces zoo li kev sib fim sib hwm ntawm tej pab pawg neeg ploj zuj zus.

Vim li ntawd, Tswv Qhia Bo thiaj thov nqua hu rau ib tsoom neeg ntseeg kom sawv daws sib koom tes thiab sib koom ua tej yam ua ke. Tus kab mob Covid-19 nyob hauv xyoo 2020 ua rau tib neeg ntshai thiab tib neeg tuag ntau pua txhiab leej. Tab sis Vaj Qhia thov kom tas ib tsoom Txiv Plig txhob tso lawv txoj hauj lwm tseg, “yog lub Koom Txoos tseem muaj txoj sia nyob, mas lub Koom Txoos yuav ua tej yam tshiab tshiab tas li”.

Tswv Qhia Bo uas nws muaj 71 xyoos, nws hais tias tas tsoom Txiv Plig tsis txhob cia tej kev zoo siab hom khaj tsuag zuj zus, yuav ua rau neeg tsis nco qab txog lawv tej kab lis kev cai. Tab txawm muaj kab mob nyob ncig peb, tsis kav Huab Tais Yes Xus hais tias : Tswv Ntuj tus ntshiab huv yuav pub nws tej txiaj ntsim rau peb. Kev ua kwv tij, yog kev sib hlub sib fim. Yog qhov chaw ruaj khov thiab yog txoj kev mus cuag kev thaj yeeb. Kev ua kwv tij, yog kev sib koom ua ib lub siab thiab sib tham. Yog txoj kev teev hawm uas tseeb tiag. Yog tib neeg tsis muaj kev ua kwv tij, mas kev thaj yeeb thiab kev ncaj ncees kuj zoo tsis tas.

Raws li Tswv Qhia Bo hais, mas Vaj Qhia Fas Ntshis Kus hais tias tus kab mob Covid-19 tau ua kom pom meej tias tsis muaj kev ncaj ncees nyob hauv tej pab neeg thiab nyob hauv cov haiv neeg tawv nqaij sib txawv. Ua rau muaj kev ntxub cov neeg pluag txom nyem, cov neeg laus thiab cov me nyuam uas tab tom xeeb nyob hauv leej niam plab.