Tswv Qhia Chow pom tias Vas Tis Kas thiab Suav kev sib cog lus yuav ua txuas ntxiv mus, tab txawm tias cov tub ceev xwm hais tias txhaum txoj cai

Tswv Qhia Chow hais nyob hauv kev ntxig nug ntawm cov Yes Xus Is tsab ntawv xov xwm La Civilta tias : Suav thiab Vas Tis Kas ob tog hais txog kev tsa Tswv Qhia tseem muaj txuas ntxiv, tab txawm tias ntau zaus uas cov tub ceev xwm hais tias hla txoj cai.

Tswv Qhia Chow hais tias : “Kev sib cog lus tsis tau tuag, raws li qee leej neeg hais”. 

2-3 lub hlis tag los, tseem hwv Suav tau tsa ib tug Tswv Qhia uas tsis tau txais kev pom zoo los ntawm Vas Tis Kas, mas yog txhaum txoj cai ntawm ob tog kev sib cog lus. 

Tswv Qhia Chow qhia txog kev nkag siab yuam kev ntawm kev hla txoj cai Suav thiab Vas Tis Kas sib cog lus hais txog kev tsa Tswv Qhia. Ob tog muaj kev tsis sib nkag siab hais txog kev tsa Tswv Qhia nyob hauv lwm lub Cheeb Koom Txoos, ces tsim nyog ob tog yuav sib tham kom rov ua kev nkag siab zoo tuaj.

Yog ob tog nquag sib tham, mas kev sib tham ntawd yuav pab kom kev tsis nkag siab zoo tuaj rau yav tom ntej. Raws Tswv Qhia Chow xav, mas ib feem 3 ntawm lub Cheeb Koom Txoos nyob Suav teb, tsis tau muaj cov Tswv Qhia uas raug teeb tsa li. Tsuas yog muaj kev sib tham txog yuav tsa Tswv Qhia nyob hauv xyoo 2018 me ntsis xwb. Hais txog kev sib cog lus, mas twb tau txuas hnub nyoog 2 zaug los lawm. Tswv Qhia Chow mus tsham Suav teb yog txij hnub tim 17 txog 24 lub 4 hlis dhau los. Nws lub hom phiaj yog cog kev phooj ywg thiab nrog tseem hwv Suav sib fim thiab nrog lub Cheeb Koom Txoos nyob Suav av loj sib fim.