TSWV QHIA KOS MES THOV NTUJ PAB COV NEEG RAUG KHAUB LIG CUA NTUJ NO

Tswv Qhia Gomez nyob lub nroog Los Angeles thov Ntuj pab rau cov neeg raug khaub lig cua ntuj no thoob As Mes Lis Kas teb. Tswv Qhia Gomez hais tias : kuv koom nrog kuv tus tij laug uas nws ua Txiv Plig ib yam li kuv, wb thov Ntuj rau cov neeg tuag thiab cov neeg raug mob los ntawm lub khaub lig cua ntuj no uas nyuam qhuav los dhau tsis ntev. Nyob hauv lub Caij Plaub Caug no, thov kom cov neeg ntseeg sawv daws nrhiav kev pab cov neeg txom nyem. Cov neeg ntseeg yuav pub kev kaj siab thiab kev thaj yeeb rau cov neeg raug kev txom nyem.

Cov Txiv Plig As Mes Lis Kas txhawb nqa lub Koom Txoos Kav Tos Liv txoj kev pab cov neeg raug xwv txheej nyob hauv lub xeev TEXAS, vim TEXAS yog lub xeev uas raug xwv txheej loj tshaj thiab ua rau neeg tuag 24 leeg. Ua rau tsoom pej xeem tsis muaj hluav taws xob siv, tsis muaj dej huv haus thiab tsis muaj txhiam xws noj.