Tswv Qhia nyob Mais As Mis hais tias : kev qhia cov neeg ntseeg Kav Tos Liv pab kev sib tawg ntawm tej pab neeg tau

Txoj kev ntseeg yog qhia txog txhua tus neeg lub meej mom, tab sis txhua tus neeg kuj puav leej muaj txhaum. Yog Tswv Qhia Vensky cov lus hais. Kev ntseeg Kav Tos Liv ua kom neeg nkag siab txog txhua yam uas Tswv Ntuj tsim thiab tuaj yeem pab tau kom kev sib tawg ntawm tej pab neeg nyob As Mes Lis Kas thiab cov kev teev hawm rov sib haum xeeb. Tswv Qhia Vensky yog tus Tswv Qhia nyob hauv lub nroog Mais As Mis.

Niaj hnub no nyob As Mes Lis Kas teb, mas ntau pab neeg ua ntxhov quav niab tsis sib haum xeeb raws li peb pom nyob hauv lub tshaj xyam (TV). Kev tsis sib haum xeeb ntawd yog los ntawm kev sib caij tsuj tib neeg tawv nqaij sib txawv. Vim tib neeg kev sib cais sib caij tsuj, ces thiaj ua kom muaj teeb meem ntxhov quav niab. Tsuas muaj cov lus qhia nyob hauv kev ntseeg Kav Tos Liv xwb thiaj yuav pab tau kom tib neeg rov sib haum xeeb, yog tias sawv daws txawj ntsia pom txog Tswv Ntuj lub txiaj ntsim. Tswv Qhia Vensky hais tias : kev ntseeg Kav Tos Liv yog hais txog tib neeg lub neej txoj sia thiab neeg lub meej mom. Qhia txog tib neeg txoj kev sib koom siab, kom sawv daws txawj sib koom ua ib tug thiab txhob sib cais. Txhob sib rhuav tej kab lis kev cai. Qhov no pom tias kev ntseeg Kav Tos Liv ua kom tib neeg rov sib haum xeeb tau.